मसुरे | प्रतिनिधी :
मसुरे मंडळ अधिकारी सुहास चव्हाण यांचा सोमवारी महसूल दिनी ओरोस येथे सिंधुदुर्ग जिल्हाधिकारी के. मंजू लक्ष्मी यांच्या हस्ते करण्यात आला. यावेळी सुहास चव्हाण यांना मानपत्र, गौरव चिन्ह, गुलाब पुष्प देऊन गौरविण्यात आले.
शासन स्तरावरील अनेक योजना तळागाळापर्यंत राबविणे, सर्वसामान्य जनतेपर्यंत त्या पोहचवणे. आपत्ती काळात सेवा बजावणे. निवडणूक काळात जबाबदारी पूर्वक काम करणे. कमी स्टाफ संख्या असतानाही जबाबदारी घेऊन चांगले काम करणे, कोरोना काळात, तोक्ते वादळातही चांगले काम करणे, मसुरे मंडळ कार्यक्षेत्रामध्ये सर्वांना सोबत घेऊन आदर्श असे काम करणे, अशा विविध चांगल्या कामाची दखल महसूल विभागाने घेऊन मसुरे मंडल अधिकारी सुहास चव्हाण यांचा यावेळी गौरव केला. या वेळीअप्पर जिल्हाधिकारी श्री शंकर बर्गे, निवासी जिल्हाधिकारी दत्तात्रय भडकवाड, उपजिल्हाधिकारी भूसंपादन विभाग वर्षा शिंगण,श्री मठपती, आणि महसूल चे अधिकारी वर्ग उपस्थित होते. यावेळी जिल्हाधिकारी के मंजू लक्ष्मी यांनी श्री सुहास चव्हाण यांच्या कार्याचा विशेष गौरव करताना सुनील चव्हाण म्हणजे विभागाचे खरे हिरे असल्याचे गौरवोदगार काढले.
मसुरे मंडल अधिकारी श्री चव्हाण यांच्या या गौरवास्पद कामगिरीबद्दल मसुरे सहित सर्व स्तरातून त्यांच्या वरती अभिनंदनचा वर्षाव होत आहे.