भोगलेवाडीत स्वामी विश्व संकुल स्टाॅपच्या नामफलकाचे झाले अनावरण…!
सरपंच मानसी पालव यांनी केले अनावरण…!
मसुरे | प्रतिनिधी :
बागायत भोगलेवाडी मालवण रस्त्यावरती भोगलेववाडी चढण या ठिकाणी येथील सामाजिक कार्यकर्ते ॲडव्होकेट श्री सुरेश बोभाटे यांच्या प्रयत्नाने येथील ग्रामस्थांची गरज ओळखून स्वामी विश्व संकुल स्टॉप येथे बस थांब्याच्या नाम फलकाचे अनावरण बिळवस सरपंच सौ मानसी पालव यांच्या शुभहस्ते करण्यात आले.
या प्रसंगी ॲडव्होकेट श्री सुरेश बोभाटे,लक्ष्मण पालव, अरविंद गांवकर, घाडीगावकर व संकुलातील इतर सभासद हजर होते. या परिसरातील ग्रामस्थांना स्वामी विश्व संकुल येथे एस टी थांब्याची जरुरी होती त्या अनुषंगाने सामाजिक कार्यकर्ते ॲडव्होकेट श्री सुरेश बोभाटे यांच्या विशेष प्रयत्नाने सर्व संबंधित अधिकारी वर्गाशी विचारविनिमय करून या ठिकाणी एसटी थांबा मंजूर करून घेतला व या एसटी थांब्याच्या नाम फलकाचे अनावरणही नुकतेच करण्यात आले. येथील ग्रामस्थांनी याबाबत समाधान व्यक्त केले आहे. सुरेश बोभाटे यांच्या या सामाजिक कार्याचे बिळवस सरपंच सौ मानसी पालव यांनी विशेष कौतुक केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
