आमदार वैभव नाईक यांची सर्व स्तरातून होतेय प्रशंसा..

मेस्त्री कुटुंबीयांनी मानले आमदार वैभव नाईक यांचे आभार..!

मालवण | सुयोग पंडित : सिंधुदुर्ग जिल्ह्यातील मालवण तालुक्यातल्या तिरवडे येथील श्री. सुभाष सीताराम यांना डाॅक्टर्सनी गॅन्गरीन शस्त्रक्रिया करण्याचा सल्ला दिल्या नंतर श्री. मेस्त्री यांना आमदार वैभव नाईक यांनी हिंदुजा रुग्णालय येथे दाखल केले. नंतर डॉक्टरांनी या शास्त्रक्रिये करिता एकूण 7 लाख एवढा अंदाजित खर्च असल्याचे वैद्यकीय प्रमाणपत्र दिले. ही शस्त्रक्रिया करण्याकरिता एवढा खर्च करणे शक्य नसल्याने श्री. मेस्त्री कुटुंबिय चिंतेत होते. याबाबत आमदार वैभव नाईक यांनी महाराष्ट्र राज्याचे माजी मुख्यमंत्री उद्धव ठाकरे यांना श्री. मेस्त्री यांच्या आर्थिक परिस्थितीची कल्पना देऊन ही शस्त्रक्रिया पूर्णपणे मोफत करून देण्याची मागणी केली.

कुडाळ मालवण विधानसभा मतदार संघाचे आमदार वैभव नाईक यांनी वारंवार पाठपुरावा केल्यानंतर महाराष्ट्र राज्याचे माजी मुख्यमंत्री व शिवसेना पक्षप्रमुख उद्धव ठाकरे यांनी सात लाख खर्च असलेली शस्त्रक्रिया पूर्णपणे मोफत करण्याचे आदेश हिंदुजा रुग्णालयास दिल्यानंतर मेस्त्री यांचे हृदयाची शस्त्रक्रिया पूर्णपणे मोफत करण्यात आली. ही शस्त्रक्रिया मोफत करून मेस्त्री कुटुंबियांना यामधून यशस्वीरित्या बाहेर काढण्याकरिता सहकार्य केल्याने मेस्त्री कुटुंबीयांनी आमदार वैभव नाईक यांचे आभार मानले. तर महाराष्ट्र राज्याचे माजी मुख्यमंत्री व शिवसेना पक्षप्रमुख उद्धव ठाकरे यांनी श्री. मेस्त्री यांच्या आर्थिक परिस्थिती चा विचार करून मोफत शस्त्रक्रिया करण्याचे हिंदुजा रुग्णालयास आदेश दिल्याने आमदार वैभव नाईक यांनी त्यांचे आभार मानले.
जिल्ह्यातील जटील आरोग्य समस्यांच्याबाबतीत आमदार वैभव नाईक हे अतिशय स्वयंसेवाभावाने नेहमी कार्यरत असतात आणि श्री मेस्त्री यांच्या या शस्त्रक्रियेनंतर माजी मुख्यमंत्री उद्धव ठाकरे शव आमदार वैभव नाईक यांची जिल्ह्यातील सर्व स्तरातून विशेष प्रशंसा होत आहे.