<em>विजय केनवडेकर यांची महाराष्ट्र चेंबर ऑफ कॉमर्स व शासन यांच्या समन्वयक समिती सदस्यपदी निवड..!</em>
कोकणातील उद्योजकांचे प्रश्न व त्यासंबंधी प्रश्न सोडवण्यामध्ये विशेष योगदान..!
मालवण | प्रतिनिधी :
महाराष्ट्र चेंबर ऑफ कॉमर्स मध्ये कोकणातील उद्योजकांचे प्रश्न व त्यासंबंधी प्रश्न सोडवण्यासाठी विशेष प्रयत्न करणारे विजय केनवडेकर यांची महाराष्ट्र चेंबर ऑफ कॉमर्स व शासन यांच्या समन्वयक समिती वरती सदस्य म्हणून नेमणूक करण्यात आली आहे. महाराष्ट्र चेंबर ऑफ कॉमर्सच्या महाराष्ट्राच्या पर्यटन समितीचे अध्यक्ष पद केनवडेकर यांनी भूषविले असून व्यावसायिक पर्यटन परिषद सिंधुदुर्गात घेऊन यशस्वी केली होती.चेंबरची गव्हर्नर कॉन्सिलची सभा सिंधुदुर्गात घेऊन महाराष्ट्रातील उद्योजकांचे लक्ष सिंधुदुर्ग जिल्ह्याकडे वेधले होते. चेंबरची दिल्ली येथे होणारी केंद्रीय मंत्री व खासदारां समवेत होणारी गव्हर्नर कौन्सिल मिटिंग माजी अध्यक्ष श्री शंतनू भडकमकर व मा. संतोष म् मंडलेजा यांच्या नेतृत्वाखाली मा. सुरेश प्रभू माजी केंद्रीय रेल्वेमंत्री यांच्या सहकार्याने दिल्ली येथे सभा यशस्वी करण्यात विजय केनवडेकर यांनी विशेष प्रयत्न केले होते . चेंबरच्या सर्व उपक्रमात भाग घेऊन सिंधुदुर्ग जिल्ह्याचा वेगळा ठसा उमटवण्याचा वेळोवेळी केनवडेकर यांनी प्रयत्न केला आहे.
लघु सुष्म मध्यम उद्योगातील केंद्र सरकारमधील असणाऱ्या विविध योजना व्यापारी उद्योजकांमध्ये पोहोचवण्याचे काम व दलित चेंबर ऑफ कॉमर्स मार्फत वंचित समाजातील उद्योजकांसाठी असणाऱ्या वेगवेगळ्या योजना कोकणात मा. नारायणराव राणे केंद्रीय लघु सूक्ष्म मध्यम उद्योग मंत्रालय कॅबिनेट मंत्री यांच्या सहकार्याने कोकणात वेगवेगळे उद्योगांना चालना देणारे व त्याचा फायदा सर्व उद्योजकांना होण्यासाठी विशेष प्रयत्न केनवडेकर करत आहेत याच कामाची दखल घेऊन मा. ललित गांधी महाराष्ट चेंबर ऑफ कॉमर्स अध्यक्ष यांनी विजय केनवडेकर यांची महाराष्ट्र चेंबर ऑफ कॉमर्सच्या समितीवर विशेष नेमणूक केली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
