शिरगाव/संतोष साळसकर :
रत्नागिरी जिल्ह्यातील गणपतीपुळे आणि मालगुंड या ग्रामपंचायतीमध्ये महाराष्ट्र कौशल्य विकास मंडळ या संस्थेमार्फत येथील महिलांसाठी केक बनविणे,नील फिनेल बनविणे,वॉशिंग पावडर बनविणे,मेणबत्ती तयार करणे,आणि मसाल्याचे पदार्थ बनविण्याचे प्रशिक्षण देण्यात आले.तसेच व्यक्तीमत्व विकास कार्यशाळा, महिलांसाठी आरोग्य शिबिरात महिलांच्या हाडांची तपासणी करण्यात आली.यावेळी कोल्हापूर येथील मोरया हॉस्पिटल चे प्रसिद्ध डॉ. संतोष निंबाळकर यांनी महिलांना आरोग्याविषयी मार्गदर्शन केले.

यावेळी महाराष्ट्र कौशल्य विकास मंडळ या संस्थेच्या अध्यक्षा सौ. प्रिया आयरेकर, डॉ. संतोष निंबाळकर,नीलम जोगडे,शोभा कांबळे,गणपतीपुळे – सरपंच कल्पना पकये,उपसरपंच महेश केदार,ग्रामविकास अधिकारी श्री चौधरी, ग्रा. पं. सदस्य सारिका भिडे,मृणाल घनवटकर, शुभांगी ठावरे, संजय माने, राज देवरुखकर, मालगुंड- ग्रामपंचायतीचे सरपंच दीपक दुर्गवळी,उपसरपंच अमित पाटील,ग्रामविकास अधिकारी नाथा पाटील आदींसह महिला, ग्रामस्थ मोठ्या संख्येने उपस्थित होते. यावेळी सूत्रसंचालन श्री. चौधरी यांनी तर आभार सौ. प्रिया आयरेकर यांनी मानले.या संस्थे मार्फत गेले काही दिवस अशाच प्रकारचे महिलांच्या आर्थिक स्त्रोत वाढवा,त्यांचे रहाणीमान आर्थिकदृष्ट्या सक्षम व्हावे आणि जेणेकरून महिला स्वतःच्या पायावर खंबीरपणे उभ्या राहतील. स्वतःच्या संसाराला, कुटुंबाला आर्थिक हातभार लागेल. यासाठी रत्नागिरी जिल्ह्यात ठिकठिकाणी महिलांसाठी विविध प्रशिक्षण शिबिर घेण्यात येत आहेत. या शिबिराना महिला वर्ग उत्स्फूर्तपणे सहभागी होत आहेत. याचा खूप आनंद वाटत आहे असे या संस्थेच्या अध्यक्षा सौ. प्रिया आयरेकर यांनी बोलताना सांगितले.