डोंगरपाल हायस्कुल मध्ये कोकण संस्थेच्या वतीने शालेय दप्तर संच वाटप...!
बांदा |राकेश परब :
कोकण कला व शिक्षण विकास संस्थेच्या माध्यमातून डोंगरपाल हायस्कुल येथील १५ तर डिंगणे जिल्हापरिषद शाळा डिंगणे येथील १० शालेय विद्यार्थ्यांना आज मोफत शालेय दप्तर आणि शैक्षणिक साहित्य वाटप करण्यात आले. खेड्यापाड्यातील गरजू विद्यार्थ्यांना शैक्षणिक साहित्याची गरज आहे हे ओळखून दरवर्षी संस्था शेकडो विद्यार्थ्यांना शालेय साहित्य, शालेय दप्तर तसेच स्कॉलरशिपचे वाटप करते. या वर्षीही संस्थेच्या वतीने विविध जिल्ह्यात साहित्य वाटप करण्यात आले. सिंधुदुर्ग जिल्ह्यातील डोंगरपाल हायस्कुल, डिंगणे जिल्हा परिषद शाळा आणि इतर शाळेत हे वाटप झाले आज डोंगरपाल हायस्कुल येथे केलेल्या शालेय दप्तर संच वाटप केल्याबद्दल मुख्याध्यापक संतोष वावळीये सर यांनी संस्थेचे आभार मानले. यावेळी संस्थाध्यक्ष श्री. देविदास नाडकर्णी यांनी उपस्थित विद्यार्थ्यांना मार्गदर्शन केले आणि पुढील शैक्षणिक वाटचालीस शुभेच्छा दिल्या. या कार्यक्रमाला डिंगणे येथील सामाजिक कार्यकर्ते जयेश सावंत, के. डी. राणे सर, बी. एस. राणे सर, शिक्षकेतर कर्मचारी बाळा गवस, घनशाम गवस, उत्तम कदम तसेच विद्यार्थी आणि ग्रामस्थ मोठया संख्येने उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
