<em>फोंडाघाट येथे दोन कंटेनरचा भीषण अपघात..!</em>
कोल्हापूरच्या दिशेने जाणारी वाहतूक ठप्प…
फोंडा | प्रतिनिधी :
फोंडाघाट बस स्टँडच्या वरील उतारावर दोन कंटेनरट्रकची आज सकाळी ६.४५ वा. च्या दरम्यान समोरासमोर धडक बसून भीषण अपघात झाला. यामुळे कणकवलीहून कोल्हापूरच्या दिशेने जाणारी सर्व वाहतूक ठप्प झाली होती.
सकाळीच झालेल्या अपघातामध्ये कोल्हापूरच्या दिशेने भंगार घेऊन जाणारा कंटेनरट्रक (एनएल०१ एबी ५८३७) व कणकवली वरून गोवाला पॅकिंग पॉलिथिन मटेरियल घेऊन जाणारा कंटेनरट्रक (आरजे११ जीसी ०४२१) यांची फोंडाघाट बसस्थानकच्या वरील उतारावर समोरासमोर धडक बसून भीषण अपघात झाल्याने मोठे नुकसान झाले आहे. दोन्ही ट्रकचे एक्सेल पार्ट तुटल्याने पुढील दोन ते तीन तास वाहतूक मोकळी करण्यास गेले. सकाळीच कामावर जाणाऱ्यांचा मोठा खोळंबा झाला होता.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
