'नैसर्गिक शेतीचे उपयुक्त तंत्रज्ञान विषयावर' डॉ विलास सावंत यांचे व्याख्यान..!
मसुरे | प्रतिनिधी:
कृषि विज्ञान केंद्र किर्लोसचे शास्त्रज्ञ डॉ विलास सावंत यांचा दूरदर्शनच्या सह्याद्री वाहिनीवर कृषिदर्शन कार्यक्रमामध्ये नैसर्गिक शेतीचे उपयुक्त तंत्रज्ञान या विषयावर सादरीकरण होणार आहे. कार्यक्रमाचे प्रसारण २३ मे रोजी सायंकाळी ६.०० वा होणार आहे व पुन:प्रसारण मंगळवार २४ मे रोजी सकाळी ६.०० वा होणार आहे. कृषि विज्ञान केंद्राचे संस्थापक अध्यक्ष माजी खासदार ब्रिगे. सुधीर सावंत यांच्या मार्गदर्शनाखाली केंद्रा द्वारे नैसर्गिक शेती चळवळ व संमृद्ध व आनंदी गाव संकल्पना राबविण्यात येत आहे. नैसर्गिक शेती द्वारे शेतीवरील खर्चात बचत करून अवशेष मुक्त दर्जेदार अन्न निर्मिती करता येते. नैसर्गिक शेतीचे उपयुक्त तंत्रज्ञान या सह्याद्री वाहिनीवरील कार्यक्रमाचा फायदा शेतकऱ्यांनी घ्यावा असे आवाहन केंद्राचे वरिष्ठ शास्त्रज्ञ व प्रमुख श्री भास्कर काजरेकर यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
