बांदा | राकेश परब : छत्रपती संभाजी महाराज यांच्या जयंतीचे औचित्य साधून येथील शिवतेज सेवा संस्थेच्या वतीने शालेय व खुल्या गटात आयोजित करण्यात आलेल्या वक्तृत्व स्पर्धेला उस्फुर्त प्रतिसाद मिळाला. उद्या शनिवारी या स्पर्धेचे पारितोषिक वितरण सकाळी ९ वाजता जिल्हा परिषद केंद्रशाळा बांदा येथे करण्यात येणार आहे.
स्पर्धेचा सविस्तर निकाल पुढीलप्रमाणे – पहिली ते चौथी गटासाठी “छत्रपती संभाजी महाराजांचे बालपण” हा विषय ठेवण्यात आला होता. या गटात प्रथम – सर्वज्ञ वराडकर, द्वितीय – नील बांदेकर, तृतीय – मृणाल पाटकर. पाचवी ते आठवी गटासाठी “स्वराज्यरक्षक छत्रपती संभाजी महाराज” हा विषय ठेवण्यात आला होता. या गटात प्रथम – श्रावणी राजन आरावंदेकर, द्वितीय – शमिका सचिन चिपकर, तृतीय – वेदांत संदीप सावंत.
नववी ते बारावी या गटासाठी “छत्रपती संभाजी महाराज यांची युद्धनीती” हा विषय ठेवण्यात आला होता. या गटात प्रथम – शमिका चिपकर, द्वितीय – अलिशा पाटकर, तृतीय- अथर्व शिरसाठ. खुल्या गटासाठी “छत्रपती संभाजी महाराज यांचे राजकारण व समाजकारण” हा विषय ठेवण्यात आला होता. या गटात प्रथम – नेत्रा विनोद राणे, द्वितीय – शुभेच्छा संदीप सावंत, तृतीय- प्रकाश लक्ष्मण पाटील यांनी यश मिळविले.
स्पर्धेचे उदघाटन पोलीस निरीक्षक शामराव काळे यांच्या हस्ते दीपप्रज्वलन व छत्रपती संभाजी महाराज यांच्या प्रतिमेला पुष्पहार अर्पण करून करण्यात आले. यावेळी प्रकाश तेंडोलकर, रुपेश पाटील, चंद्रकांत सावंत, जयेश म्हाडगूत आदी मान्यवर उपस्थित होते. कार्यक्रमाचे सूत्रसंचालन भूषण सावंत यांनी केले. प्रास्ताविक जे डी पाटील यांनी केले. यावेळी अक्षय मयेकर, संकेत वेंगुर्लेकर, रीना मोरजकर, प्रथमेश राणे, नारायण बांदेकर, संतोष मंझिलकर, केदार कणबर्गी आदी उपस्थित होते.