दांडी दणाणणार पर्यटनाने ; आमदार वैभव नाईक यांची घोषणा.
मालवणात 13 मे ते 15 मे कालावधीत भव्य पर्यटन महोत्सवाचे आयोजन ..
मालवण | सुयोग पंडित : सिंधुदुर्ग जिल्ह्यातील मालवणतल्या दांडी येथे भव्य पर्यटन महोत्सवाचे आयोजन करण्यात येत आहे.महाराष्ट्र दिनाचे औचित्य साधून आज आमदार वैभव नाईक यांनी 13 मे ते 15 मे हा पर्यटन महोत्सव नयनरम्य दांडी येथे आयोजीत करण्यात येणार असल्याची घोषणा केली. मालवणच्या मामा वरेरकर नाट्यगृह येथे झालेल्या पत्रकार परिषदेत त्यांनी ही घोषणा केली.या महोत्सवाचे स्वरुप भव्य असेल व खासदार विनायक राऊत,पालकमंत्री उदय सामंत यांच्यासह सर्वच क्षेत्रातील सेलिब्रिटी येथे उपस्थित राहून महोत्सवाचे आकर्षण ठरतील असेही त्यांनी स्पष्ट केले. या नगरपरिषद व नियोजन मंडळ द्वारा आयोजीत महोत्सवाद्वारे पर्यटनाला उर्जीतावस्था देताना स्थानिक कला कौशल्याला वाव मिळून आर्थिक सक्षमताही येईल असा महोत्सवाचा उद्देश असल्याचे आमदार वैभव नाईक यांनी पत्रकारांना सांगितले .यावेळी त्यांच्यासोबत मालवण नगरपरिषदेचे मुख्याधिकारी संतोष जिरगे व मालवण नगरपरिषदेचे माजी नगराध्यक्ष महेश , माजी नगरसेवक मंदार केणी,माजी नगरसेवक यतीन खोत, किरण वाळके ,शिवसेना तालुकाप्रमुख हरी खोबरेकर व अन्य मान्यवर उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
