बांदा | राकेश परब : नव्या शैक्षणिक वर्षात इयत्ता पहिलीला दाखल होणाऱ्या विद्यार्थ्यांच्या शाळा पूर्व तयारी अभियान राबविणे हा उपक्रम स्तुत्य आहे. बौध्दिक,शारीरिक व भावनिक,गणना,भाषा या बाबत विद्यार्थ्यांची तयारी किती आहे याची माहिती घेऊन पालकांनी घेणे गरजेचे आहे.या मेळाव्यात अंगणवाडी सेविका यांच्या मदतीने विविध कॄतीखेळ घेतल्याने दोन वर्षांत विद्यार्थ्यांचे झालेले नुकसान भरून येणार आहे. यासाठी मुलं, पालक व शिक्षकांनी या शासनाच्या उपक्रमाचा लाभ घ्याण्याचे आवाहन विलवडे गावचे सुपुत्र व मुंबई येथील एस.आर.दळवी फाउंडेशन चे व्यवस्थापकीय विश्वस्त रामचंद्र उर्फ आबा दळवी यांनी केले आहे. यावेळी दळवी यांनी शाळेला साउंड सिस्टिम भेट देण्याचे जाहीर केले. तसेच शाळेला आर्थिक सहकार्य करण्याचे आश्वासन दिले.
जिल्हा परिषद शाळा विलवडे नं. २ प्रशालेत ‘शाळा पूर्व तयारी’ मेळावा उत्साहात संपन्न झाला.यावेळी प्रमुख पाहुणे म्हणून दळवी बोलत होते.
यावेळी व्यासपिठावर सीता दळवी, माजी सरपंच मोहन दळवी,विस्तार अधिकारी दुर्वा साळगांवकर,केंद्रप्रमुख संदीप गवस,विशेषतञ स्वप्निल राऊळ,विषयतज्ज्ञ प्रसाद सांगेलकर,माजी उपसभापती कृष्णा सावंत,सामाजिक कार्यकर्ते सोनु दळवी,व्यवस्थापन अध्यक्ष रश्मी सावंत,माजी उपसरपंच प्रकाश दळवी,प्राजक्ता दळवी,पूर्वा दळवी,आशिका सावंत,विश्वास सावंत,भालचंद्र गवस,महेद्र सावंत,संजय सावंत उपस्थित होते.

मुख्याध्य‍ापक सुरेश काळे व शिक्षक सचिन शेळके यानी योग्य नियोजन केले. विलवडे मळावाडी व टेंबवाडी तील आजी-माजी पाल्यासह पालकांनी उत्स्फुर्त सहभाग घेऊन कार्यक्रम यशस्वी केला.