मुंबई | ब्युरो न्यूज : राष्ट्रीय कृषी विकास योजनेंतर्गत ‘माणगा’ प्रकारच्या बांबूच्या मूल्यवर्धनाद्वारे कोकणात उद्योजकता विकास कार्यक्रम करण्यासाठी कोकण कृषी विद्यापीठाला 3 कोटी 52 लाखाचा घसघशीत निधी मिळणार असून राज्य शासनाने त्या साठी 1 कोटी 76 लाख रुपये खर्चाला प्रशासकीय मान्यता दिली आहे.उर्वरित 50 टक्के निधी राष्ट्रीय कृषी विकास योजनेंतर्गत व लाभार्थी यांच्याकडून मिळणार आहे.या बाबतचा शासन निर्णय 4 एप्रिल रोजी जारी करण्यात आला आहे.

कोकणातील कडे कपार्या,सह्याद्री लगतची सुपीक जमीन ,अनुकूल वातावरण,प्रचंड पाऊस यामुळे कोकणात बांबू दर्जेदार आणि टिकाऊ होतो.येथील बांबू वर आधारित प्रक्रिया उद्योग प्रशिक्षण मिळाले तर येथील तरुण स्वतःचे उद्योग उभे करू शकतात.हे ओळखून राज्य शासन आणि केंद्र शासनाच्या माध्यमातून बांबू आधारित उद्योजकता विकास कार्यक्रम राबविणास सन http://localhost/news/public/uploads/2021-22 आणि http://localhost/news/public/uploads/2022-23 या वर्षात कोकण कृषी विद्यापीठाला मान्यता दिली आहे.

या विकास कार्यक्रमासाठी राज्य शासनाने स्वतःचा 50 टक्के हिस्सा 1 कोटी 76 लाख रुपयांच्या निधीला मंजुरी दिली आहे. राष्ट्रीय कृषी विकास योजनेंतर्गत 1 कोटी 36 लाख रुपये आणि अगरबत्ती निर्माण करण्यासाठी लागणाऱ्या उपकरणाला लाभार्थी यांचा हिस्सा 40 लाख रुपये असे एकूण 3 कोटी 52 लाख रुपयांच्या निधीतून कोकण कृषी विद्यापीठ उद्योजकता विकास कार्यक्रम राबविणार आहे.हया निधीतून बांधकाम,बांबू प्रक्रिया उपकरणे,अगरबत्ती उपकरणे,प्रशिक्षण खर्च,प्रशासकीय खर्च इत्यादी घटकांवर होणार आहे.
( फोटो : सौजन्य गुगल)