मसुरे | प्राजक्ता पेडणेकर : ओसरगाव क्रमांक १ या शाळेमध्ये शाळा व्यवस्थापन समिती व माजी विद्यार्थी संघ यांच्या वतीने स्वसंरक्षण व कराटे कार्यशाळा संपन्न झाली. यावेळी शाळा व्यवस्थापन समितीचे अध्यक्ष सुप्रिया अपराध व माजी विद्यार्थी संघाचे अध्यक्ष अँडव्होकेट विलास परब ,मार्गदर्शक तायक्वांदो ऑफ सिंधुदुर्गाचे प्रशिक्षक श्री भालचंद्र कुलकर्णी, जयश्री कसालकर ,ओमकार सावंत, अविराज खांडेकर , संतोष पवार तसेच माजी विध्यर्थी संघ सदस्य सुदर्शन नाईक लक्ष्मण आंगणे व किशोर तांबे मुख्याध्यापक किशोर कदम व शिक्षिका राजश्री तांबे, शितल दळवी उपस्थित होते. यावेळी मुलांना संरक्षणासाठी विविध शैली आत्मसात करण्यासाठी वेगवेगळी तंत्रे प्रात्यक्षिका सहीत शिकवण्यात आली. यामध्ये मुले आनंदाने कृतीयुक्त सहभाग घेऊन तंत्र अवगत केली. या कार्यशाळेमुळे मुलांच्या भविष्यातील शारीरिक व भावनिक विकासाबरोबर पुढे जात असताना स्वतःचे संरक्षण करणे तेवढेच गरजेचे आहे अशा कार्यशाळेमुळे विद्यार्थ्यांचे मन आणि शारीरिक क्षमता सुदृढ होतील असे ,.अँडव्होकेट विलास परब यांनी मुलांना शुभेच्छा देताना आपले मत प्रकट केले. व आयोजनाबदल मुख्याध्यापक व सहकारी शिक्षकांचे अभिनंदन केले. कुलकर्णी सरांनी विद्यार्थ्यांना आपले शरीर आपले मन आणि शरीर सुदृढ ठेवण्यासाठी यामधून विद्यार्थ्यांना चांगल्या प्रकारचे प्रशिक्षण आज मिळत आहेत त्यातून चांगले खेळाडू निर्माण होतात . आपल्या जिल्ह्यातून बलवान आणि गुणवान खेळाडू निर्माण करण्यासाठी आम्ही सतत प्रयत्न करत असतो.या कार्यशाळेला या कार्यबल गटाचे केंद्रप्रमुख सुरेश हरकुळकर सर ग्रामपंचायत सदस्य हेमंत तांबे , ग्रामपंचायत सदस्य अक्षता राणे मॅडम यांनी ऑनलाईन शुभेच्छा दिल्या. या कार्यशाळेचे प्रास्ताविक श्री किशोर कदम यांनी केले आभार श्रीम.राजश्री तांबे यांनी मानले तर कार्यक्रमाचे सूत्रसंचालन शीतल दळवी यांनी केले.