शिवसेना नगरसेवक व नगराध्यक्षांची वचनपूर्ती..!
अपघाताची गंभीरता लक्षात घेत छोट्या व्हाळीच्या वळणावरही ‘घाटाच्या थाटाचे’ सुरक्षा गार्ड..!
मालवण | प्रतिनिधी : मालवण नगरपालिका प्रभाग 8 मधील वायरी गर्देरोड मार्गावरील गोवेकर घराजवळ असलेले अपघाती वळण आणि शेजारी असलेल्या व्हाळीवरील(छोटा नाल्यावरील) अत्यंत धोकादायक अशा वळणामुळे तिथे गेल्या एक ते दीड वर्षात भरपूर प्रमाणात अपघाताचे प्रमाणे वाढले होते .
यामुळेच शेजारी नागरिक गोवेकर, गांवकर, संजय (बंटी) वराडकर , गणेश वराडकर प्रथमेश हिंदळेकर व गर्देरोड वायरी वासियांनी तिथे योग्य उपयोजना करावी अशी मागणी मालवणचे नगराध्यक्ष महेश कांदळगांवकर, नगरसेविका तृप्ती मयेकर ,सेजल परब ,पंकज सादये यांच्याकडे केली होती.
अपघातांची गंभीरता व मागणीचे गांभीर्य लक्षात घेऊन नगराध्यक्ष महेश कांदळगांवकर,नगरसेविका सौ.तृप्ती मयेकर, नगरसेवक पंकज सादये व नगरसेविका सेजल परब यांनी जलद गतीने यावर उपाययोजनेची कार्यवाही केली.
या बाबत सामंत कुटुबियांनी जागे बाबत सहकार्य केले.
या व्हाळी वरती राष्टीय महामार्ग किंवा एखाद्या घाटांमध्ये जसे धातुचे सुरक्षा गार्ड बसविण्यात येतात त्या स्वरूपाचे सुरक्षा गार्ड बसविण्याचे काम सुरू असून येत्या आठवडाभरात हे काम पूर्ण होईल असे सांगण्यात आले आहे.
वायरी गर्दे रोड विभागातील बहुतांश नागरिकांकडून शिवसेना नगरसेवकांच्या व मालवण माजी नगराध्यक्ष महेश कांदळगांवकर यांच्या या व्यापक व जलद कार्यवाहीबद्दल समाधान व्यक्त होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
