चेअरमन सिताराम हडकर आणि सहकार्यांचा अपडेटेड उपक्रम..!

चिंदर | विवेक परब : चिंदरच्या श्री. रामेश्वर विकास सेवा. सोसा.लि. चिंदर या संस्थेच्या नविन कार्यकारणीने “विकास सोसायटी आपल्या दारी…” या अभियानाची आज चिंदर बाजार, खरीवाडी, नागोचीवाडी, पडेकाप, अपराजवाडी, कोंडवाडी अशा शेतकरी ग्रामस्थांनची सभा घेऊन आपल्या नूतन कार्यकालाची जोरदार सुरवात केली.

या अभियाना अंतर्गत शेतकऱ्यांना सभासद करुन घेणे, त्यांना शेतीसाठी कर्ज पुरवठा करणे, संस्थेचे जे सभासद मृत आहेत त्यांची वारस नोंद करणे व या विषयावर मार्गदर्शन करणेसाठी गावातील प्रत्येक वाडीमध्ये सभा घेण्याचे संस्थेचे उद्दिष्ट ठेवले आहे याचा आज शुभारंभ झाला.

यापुढे पालकरवाडी, गावठणवाडी, भटवाडी, सडेवाडी अशा सभा घेण्यात येतील.

आजच्या सुरूवातीच्या सभांना सोसायटी चेअरमन सिताराम हडकर, व्हाईस चेअरमन सुनिल पवार, कार्यकारीणी सदस्य दिगंबर जाधव, विश्वास खरात, आबा पारकर, सुरेश साटम, सोसायटी सचिव कविंद्र माळगांवकर, कृषी, मित्र दयाळभाऊ अपराज, संतोष अपराज, पिंट्या अपराज, शशीकांत सावंत, सर्वैश अपराज, अनिल पडवळ, दिपक खोत, दत्तात्रय घाडी, सावंत व बहुसंख्य शेतकरी ग्रामस्थ उपस्थित होते.

चिंदरमधील श्री रामेश्वर विकास सोसायटी लिमिटेडच्या या अभियानामुळे बहुतांश चिंदर वासियांना ‘विकास सोसायटी आपल्या दारी..’ हा उपक्रम ‘जनसेवेची रित न्यारी’ वाटल्याची चर्चा आहे.