मडुरे डिगवाडीत शॉर्टसर्किटमुळे उडाली आगीची ठिणगी...!
महावितरण कर्मचारी होते नाॅट रिचेबल…! ग्रामस्थांच्या तत्परतेने टळला अनर्थ ….!
बांदा | राकेश परब : मडूरा – डिगवाडी येथे हायस्कूल नजीक शॉर्टसर्किटमुळे बागायतीला आग लागली. वाचनालयाच्या ग्रंथपाल नेहा सामंत यांनी तातडीने ग्रामस्थांना आगीची कल्पना दिली. ग्रामस्थ प्रकाश वालावलकर, उत्तम वालावलकर यांनी घटनास्थळी धाव घेत आगीवर तत्काळ नियंत्रण मिळविले. त्यामुळे पुढील अनर्थ टळला. आज सायंकाळी 4 च्या सुमाराला ही घटना घडली.
महावितरणच्या कर्मचार्‍यांना घटनेची माहिती देण्यासाठी फोन केला असता नॉट रिचेबल असल्याचे प्रकाश वालावलकर यांनी सांगितले.
मडुरा परिसरात शॉर्टसर्किटमुळे काजू बागायतींना दरवर्षी आग लागण्याचे प्रकार घडतात. ११ केव्हीच्या विद्युततारा ठिकठिकाणी झाडांना घासत असल्याने स्पार्किंग होऊन आग लागण्याचे प्रकार होतात. महावितरणचे काम अत्यंत निकृष्ट दर्जाचे झाल्याने असे प्रकार वारंवार होत असतात. याबाबत सावंतवाडी तहसीलदारांनी लक्ष घालावे व महावितरणच्या अधिकार्‍यांना आदेश देण्याची मागणी प्रकाश वालावलकर यांनी केली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
