मसुरे | प्राजक्ता पेडणेकर : मसुरे येथील भरतगड इंग्लिश मिडीयम प्रशालेत जागतिक महिला दिन विविध उपक्रमांनी उत्साहात साजरा करण्यात आला. सदर कार्यक्रम प्रशालेच्या मराठी विभाग व हिंदी विभाग यांच्या संयुक्त विद्यमानाने पार पडला.

हिंदी विभागामार्फत स्वर्गीय भारतरत्न लता मंगेशकर यांच्या स्मृतिप्रीत्यर्थ त्यांच्या प्रतिमेस पुष्पहार अर्पण करून त्यांनी गायलेल्या गाण्यांचे विद्यार्थ्यांकडून सादरीकरण करून घेण्यात आले. त्याचप्रमाणे मराठी विभागामार्फत 8 मार्च महिला दिन निमित्ताने प्रत्येक वर्गाचे समूहगीत सादरीकरण करून घेण्यात आले. प्रशालेच्या सर्व शिक्षकांनी सहभाग दर्शवत गीत सादर केले. पालकांसाठी आयोजित पाककला स्पर्धेत सौ गायत्री संग्राम प्रभुगावकर यांची पाककृती उल्लेखनीय ठरली. या कार्यक्रमाच्या निमित्ताने मुलांना पौष्टिक पदार्थांचे महत्त्व कळावे यासाठी डॉक्टर वीणा मेहेंदळे यांनी मार्गदर्शन केले. मुख्याध्यापक श्री किशोर देऊलकर यांनी सर्व महिला सदस्यांचा सन्मान केला. रंजनी सावंत, सायली म्हाडगुत, पार्वती कोदे, संजना प्रभुगावकर, रेश्मा बोरकर, स्टेला लोबो, स्वरांजली ठाकूर, सिद्धी सांडव, गौरव तोंडवळकर, संतोषी मांजरेकर या सर्वांचे सहकार्य लाभले. सायली म्हाडगुत व रंजनी सावंत यांनीसूत्रसंचालन ,प्रास्ताविक पार्वती कोदे, आभार संजना प्रभुगावकर यांनी मानले.