आचर्याच्या सौ. विनिता विवेक कांबळी ठरल्या जिल्हा ग्रंथालय संघाच्या आदर्श ग्रंथपाल..!
चिंदर | विवेक परब : सिंधुदुर्ग जिल्ह्यातील आणि एकूणच ग्रंथालय चळवळीतील उल्लेखनीय कार्याचा गौरव म्हणून ‘आदर्श ग्रंथालय सेवक’ हा सिंधुदुर्ग जिल्हा ग्रंथालय संघाच्यावतीने दिला जाणारा जिल्हास्तरीय पुरस्कार यंदा आचरा सार्वजनिक वाचनालयाच्या ग्रंथपाल सौ. विनिता विवेक कांबळी यांना सिंधुदुर्ग जिल्हा ग्रंथालय संघ यांच्या संयुक्त ग्रंथालय संघाच्या रा.व.अनंत शिवाजी देसाई वाचनालय ग्रंथसंग्राहालय यांच्या सभागृहात वार्षिक अधिवेशनात साहित्यिक गजानन कोटीवार यांच्या हस्ते प्रदान करण्यात आला.
व्यासपिठावर खासदार विनायकजी राऊत, आमदार वैभवजी नाईक, मंगेश मस्के व साहित्यिक उपस्थित होते.
सलग गेली २५ वर्षे वाचकांची ग्रंथपाल म्हणून सेवा करत असलेल्या सौ.विनिता कांबळी या अनेक उपक्रमात हिरहिरीने सहभागी असतात. वाचनसंस्कृती जपण्यासाठी अध्यक्ष, संचालक यांच्यासह त्या नेहमी प्रयत्नशील आहेत. त्यांना मिळालेल्या पुरस्कार बद्दल वाचनालयाचे अध्यक्ष श्रीकांत सांबारी , उपाध्यक्ष बाबाजी भिसळे , कार्यवाह अर्जुन(दादा) बापार्डेकर यांसह साहित्य, सांस्कृतिक व सामाजिक स्तरांतून त्यांची प्रशंसा होत आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
