भरतगड इंग्लिश मिडीयम स्कुलमध्ये विज्ञान दिन साजरा!
मसुरे | प्राजक्ता पेडणेकर : सिंधुदुर्ग जिल्ह्यातील मसुरे येथील भरतगड इंग्लिश मिडीयम स्कूल या प्रशालेत विज्ञान दिन उत्साहात साजरा करण्यात आला. यावेळी प्रयोगशाळेचे उद्घाटन डॉ. वीणा मेहेंदळे यांच्या हस्ते झाले. सरपंच श्री.संदीप हडकर, मुख्याध्यापक श्री किशोर देऊलकर, बापू मसुरेकर, जगदीश चव्हाण, पालक उपस्थित होते. विद्यार्थ्यांनी विविध प्रतिकृती तयार केल्या होत्या. विज्ञानाशी संबंधित वेशभूषा स्पर्धा घेण्यात आली.
यामध्ये छोट्या गटासाठी विज्ञानाशी संबंधित व्यक्तिरेखा व मोठ्या गटासाठी भारतीय शास्त्रज्ञ ही संकल्पना ठेवण्यात आली होती. पर्यावरण जनजागृतीसाठी सेव्ह ॲनिमल या छोट्याशा नाटिकेचे सादरीकरण करण्यात आले. विद्यार्थ्यांमध्ये विज्ञान विषयक चिकित्सक दृष्टिकोन निर्माण व्हावा यासाठी पझल रूम तयार करण्यात आली होती.
कार्यक्रम यशस्वीतेसाठी प्रशालेचे मुख्याध्यापक श्री किशोर देऊलकर यांची प्रेरणा लाभली. या कार्यक्रमाच्या यशस्वितेसाठी विज्ञान शिक्षक पार्वती कोदे,संतोषी मांजरेकर,सिध्दी सांडव तसेच सर्व शिक्षकांनी परिश्रम घेतले.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
