प्राथमिक शिक्षकांचे पगार वेळेत व्हावे यासाठी ZPFMS प्रणाली कार्यान्वित करा!
शिक्षक भारती सिंधुदुर्गची शिक्षणाधिकारी यांच्याकडे मागणी
मसुरे | प्राजक्ता पेडणेकर : शिक्षक भारतीने छेडलेल्या बेमुदत आंदोलनमध्ये आंतरजिल्हा बदली या मुख्य विषयाबरोबर शिक्षकांचे पगार वेळेत व्हावेत अशी मागणी केली होती.बेमुदत आंदोलनच्या अनुषंगाने मुख्यकार्यकारी अधिकारी यांच्याबरोबर झालेल्या चर्चेनुसार प्राथमिक शिक्षकांचा पगार लवकर व्हावा यासाठी प्राथमिक शिक्षक भारती सिंधुदुर्गच्या वतीने ZPFMS प्रणाली त्वरीत कार्यान्वित करणेबाबत मुख्य कार्यकारी अधिकारी ,सिंधुदुर्ग व प्राथमिक शिक्षणाधिकारी, सिंधुदुर्ग यांना निवेदन देण्यात आले.सदर प्रणाली सुरू झाली तर प्राथमिक शिक्षकांचा पगार नियमीत वेळेवर मिळेल.यासाठी ही प्रणाली त्वरीत कार्यान्वित करण्याची आग्रही मागणी महाराष्ट्र राज्य प्राथमिक शिक्षक भारतीच्या वतीने करण्यात आली आहे अशी माहिती जिल्हाध्यक्ष संतोष पाताडे यांनी दिली.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
