चिंदर | विवेक परब : जागतिक महिला दिनाचे औचित्य साधून ८ मार्च रोजी सायंकाळी ४:०० वाजता साईमंगल कार्यालय , वेंगुर्ले येथे ‘होममिनीस्टर – खेळ पैठणीचा’ या स्पर्धेचे आयोजन करण्यात आले आहे. या स्पर्धेतील प्रथम पाच विजेत्यांना पारितोषिके देण्यात येणार असून प्रथम पारितोषिक पैठणी तसेच इतरांना सोन्याची नथ व गृहपयोगी वस्तु बक्षीस स्वरुपात देण्यात येणार आहेत.महिला दिनाच्या निमित्ताने महिलांच्या कलागुणांना वाव देण्यासाठी सांस्कृतिक कार्यक्रमांचे आयोजन करण्यात आले आहेत. तसेच ” चुल व मुल “या कक्षेतुन बाहेर पडून महिलांना एक व्यासपीठ मिळवून देण्यासाठी भाजपा महिला मोर्चा, वेंगुर्लेच्या वतीने या कार्यक्रमाचे आयोजन केल्याचे महिला तालुका अध्यक्षा स्मिता दामले यांनी सांगितले.महिला दिनाच्या कार्यक्रमाच्या नियोजनाची बैठक तालुका कार्यालयात आयोजित करण्यात आली होती . यावेळी जिल्हा उपाध्यक्ष ॲड सुषमा खानोलकर, उपनगराध्यक्षा कु शितल आंगचेकर, महीला मोर्चा जि. सरचिटणीस सारीका काळसेकर, शहर अध्यक्षा प्रार्थना हळदणकर, महिला ता.सरचिटणीस व्रुंदा गवंडळकर, माजी नगराध्यक्षा डाॅ. पुजा कर्पे, नगरसेविका कृपा मोंडकर ), ग्रामपंचायत सदस्या सौ लक्ष्मी परब व गार्गी राऊळ, किर्तीमंगल भगत, रसीका मठकर व आकांक्षा परब इत्यादी महिला पदाधिकारी उपस्थित होत्या.