मसुरे | प्राजक्ता पेडणेकर: श्री देवी शांतादुर्गा हायस्कूल वडाचापाट येथे राष्ट्रीय विज्ञान दिन साजरा करण्यात आला. भारतातील महान भौतिकशास्त्रज्ञांपैकी एक सर सी. व्ही. रमण यांनी लावलेल्या “रामन इफेक्ट” या शोधाच्या स्मरणार्थ जगभर राष्ट्रीय विज्ञान दिन साजरा केला जातो . कार्यक्रमाची सुरुवात डोळे उघडून बघा गड्यानो झापड लावू नका या विज्ञान गीताने झाली .प्रश्न किती गहन असो , उत्तर देते विज्ञान तर्काच्या सुगंधाने अत्तर देते विज्ञान .अंधश्रध्देच्या पलीकडचे पाहू शकते विज्ञान .तुमच्या माझ्या श्रध्देसोबत राहू शकते विज्ञान या कवितेने वातावरण विज्ञानमय झाले.

विद्यार्थ्यांची विज्ञान विषयावर विविध भाषणे झाली . यामध्ये कु.अवधूत आचरेकर , कु.राजकुमार दुखंडे , कु.संघमित्रा पवार , कु.रिया पेंडूरकर व सोहम चिरमुले यानी भाग घेतला. प्रशालेतून इ.८ वी,९ वी व १० वी तील विद्यार्थ्यांनी एकूण ३० विज्ञान प्रतिकृती तयार केल्या.यामध्ये कंपनावर चालणारा कोळी , राखेपासून वीज निर्मिती ,साधे सायफन यंत्र , एअर कूलर ,वॉटर हिटर ,पाण्याचे शुध्दीकरण , सिगारेट चे दुष्परिणाम ,फुप्फुस कार्य या सर्व प्रतिकृतींनी सर्वांचे विशेष लक्ष वेधून घेतले.कार्यक्रमाचे सूत्रसंचालन व विज्ञान प्रतिकृतीसाठी मार्गदर्शन प्रशालेचे विज्ञान शिक्षक प्रसाद कुबल यांनी केले.या कार्यक्रमाला प्रशालेचे मुख्याध्यापक श्री पाटील जे. एन. ,सौ सनये प्रीती ,सौ वेदिका दळवी व कुमारी प्रतिभा केळुसकर या उपस्थित होत्या .