मालवण | ब्युरो न्यूज : १९ फेब्रुवारी २०२२ रोजी जाहीर झालेल्या युजीसी नेट-जेआरएफ परीक्षेचे निकाल जाहीर झाले. यामध्ये अ.शी.दे .टोपीवाला हाय स्कूल मध्ये सहा.शिक्षिका म्हणून गेली वीस वर्षे कार्यरत असलेल्या सौ.ज्योती रविकिरण बुवा-तोरसकर यांनी राष्ट्रीय पातळीवर सहा.प्राध्यापक आणि ज्युनिअर रिसर्च फेलोशिप पदासाठी झालेल्या(नेट-जेआरफ)परीक्षेत, मराठी या विषयात यश मिळवले आहे.यापूर्वी झालेल्या सेट परीक्षेत इतिहास आणि मराठी या विषयात त्याना यश मिळाले होते.मराठी व इतिहास या दोन्ही विषयात सेट आणि राष्ट्रीय पातळीवर घेण्यात आलेल्या( नेट-जेआरएफ) परीक्षेत यश मिळवणाऱ्या काही मोजक्या व्यक्ती मध्ये त्यांचा समावेश झाला आहे.सदर परिक्षा ही केंद्र सरकारच्या अख्त्यारित असलेल्या विद्यापीठ अनुदान आयोग(UGC) युजीसी मार्फत एकुण ८४ विषयांसाठी घेतली जाते.
डिसेंबर २०२० मध्ये झालेल्या सदर परीक्षेसाठी  संपूर्ण भारता मधून ६,७१,२८८ बसले होते त्यापैकी ५२,८५७ विद्यार्थी उत्तीर्ण झाले असून एकूण निकाल ७.८७% एवढा लागला आहे.मराठी विषया साठी झालेल्या नेट परीक्षेमध्ये सम्पूर्ण भरता मधून २५२५ पैकी फक्त १९५(७.७२%)यामध्ये  विद्यार्थी उत्तीर्ण झाले आहेत.सौ. ज्योती यांना प्राप्त गुण आणि सर्व प्रवर्गांचा कट ऑफ याचा विचार केला तर मराठी विषया मध्ये त्या चौदाव्या क्रमांकाने उत्तीर्ण झाल्या आहेत.     
राज्यस्तरीय सेट परीक्षेत मराठी व इतिहास या विषया बरोबरच राष्ट्रीय पातळीवरील नेट(मराठी) या परीक्षेमध्ये सौ.ज्योती रविकिरण बुवा-तोरसकर यांनी मिळविलेले यश कौतुकास्पद आहे.नेट-जीआरएफ परीक्षेत मिळालेल्या यशामुळे त्यांना भारतातील सर्व विद्यापीठे व महाविद्यालयात काम करण्याची संधी उपलब्ध झाली आहे. लवकरच स्पर्धा परीक्षेतील आपल्या अनुभवाचा फायदा विद्यार्थ्यांना व्हावा यासाठी स्पर्धा परीक्षा देणाऱ्या विद्यार्थ्यां साठी मार्गदर्शन सुरू करणार असल्याचे त्यांनी सांगितले. त्या बद्दल सर्व स्तरातून त्यांची प्रशंसा व अभिनंदन होत आहे.