फोंडाघाट एज्युकेशन सोसायटीच्या निवडणुकीत निवडून आलेल्या संचालकांचा सत्कार.

चिंदर | विवेक परब : शिवसेना युवासेने तर्फे भरविण्यात आलेल्या जिल्हास्तरीय हॉलीबॉल स्पर्धेमध्ये अंतिम सामना फोंडाघाट संघ आणि सावंतवाडी संघामध्ये होऊन या अटीतटीच्या झालेल्या सामन्यात सावंतवाडी संघावर मात करत फोंडाघाट संघाने विजेतेपद पटकावले.
युवासेना फोंडाघाट तर्फे भरविण्यात आलेल्या या भव्यदिव्य जिल्हास्तरीय हॉलीबॉल स्पर्धेचे उदघाटन शिवसेना नेते संदेश पारकर आणि युवासेना जिल्हा प्रमुख सुशांत नाईक यांच्या हस्ते करण्यात आले. यावेळी जि. प. सदस्य संजय आग्रे, राजन नानचे, शहरप्रमुख सुरेश टक्के, पिंटू पटेल, सुभाष सावंत, शाम भोवड, अविनाश सापळे, बाळा येळवकर, आनंद मर्ये, सचिन तायशेटे, राजेश शिरोडकर, सौ.अवसरे मॅडम, सौ माधवी दळवी मॅडम, सौ संजना कोलते आदी मान्यवर उपस्थित होते.यावेळी उपस्थित शिवसेना नेते संदेश पारकर आणि युवासेना जिल्हाप्रमुख सुशांत नाईक यांच्या हस्ते नुकत्याच झालेल्या फोंडाघाट एज्युकेशन सोसायटीच्या निवडणुकीमध्ये महाविकास आघाडी प्रणित संकल्प पॅनल मधून विजयी झालेल्या नूतन संचालकांचा सत्कार करण्यात आला.
युवासेना फोंडाघाट तर्फे घेण्यात आलेल्या या जिल्हास्तरीय हॉलीबॉल स्पर्धेमध्ये कुडाळ, मालवण, कणकवली, सावंतवाडी तसेच देवगड तालुक्यातील १२ मातब्बर संघांनी सहभाग घेतला होता. रात्री प्रकाश झोतात झालेल्या या स्पर्धेमध्ये अटीतटीच्या झालेल्या अंतिम सामन्यामध्ये फोंडाघाट च्या संघाने प्रथम क्रमांक मिळविला तर सावंतवाडीच्या संघाला द्वितीय क्रमांक मिळाला.
दरम्यान या स्पर्धा यशस्वी करण्यासाठी युवासेना शहरप्रमुख प्रथमेश उरणकर, सौरभ सुतार, पवन भोगले, जयेश पटेल, प्रवीण पडेलकर, शुभम लाड, महेश चव्हाण, प्रथमेश पारकर, सौरभ भोगटे,चेतन सुतार, सागर वाळवे, साहिल सुतार, ओंकार हाऊळ, पुष्पक नाईक ,साहिल बिडये, निनाद पारकर, राज सावंत, विजय सूद, सुयश सापळे, ओंकार पारकर, हरेश पावसकर, सुरज चव्हाण आदी कार्यकर्त्यांनी अथक परिश्रम घेतले.या स्पर्धा पाहण्यासाठी फोंडाघाट पंचक्रोशीतील हॉलीबॉल प्रेमी प्रेक्षकांनी तुफान गर्दी केली होती.