ग्लोबल रक्तदाते कोकण महाराष्ट्र ४थ्या वर्धापनदिनाचे औचित्य

मसुरे | प्राजक्ता पेडणेकर : ग्लोबल रक्तदाते कोकण महाराष्ट्र ४थ्या वर्धापनदिनाचे औचित्य साधून जिल्हा रुग्णालय रक्तपेढीला पाच वजन काटे व ब्लड डोनर कोच चे पूर्ण काम करून त्यावर रेक्झिन मारून देण्यात आले.
काही दिवसांपूर्वी ओरोस जिल्हा रुग्णालयात रक्तपेढीमध्ये ब्लड डोनेशनच्या वेळी आवश्यक असणाऱ्या वजनकाट्यांची कमतरता होती व ब्लड डोनेशन बेड हे पूर्णतः खराब असल्याचे रुग्णसेवक श्री.राजेश पारधी यांनी श्री अमेय देसाई यांना याची कल्पना देऊन या साठी मदतकार्य करण्याचे सुचवले होते. त्यानुसार ग्लोबल रक्तदाते समूह संघटक परिवारातर्फे अति आवश्यक पाच वजन काटे व ब्लड डोनर कोच चे पूर्ण काम करून त्यावर रेक्झिन मारून सर्व सुस्थितीत करून सिंधुदुर्ग जिल्हा शल्य चिकित्सक डॉ. श्रीपाद पाटील,व आरोग्य सेवक श्री किशोर नांदगावकर याच्या जवळ ही मदत सुपूर्द करण्यात आली. ब्लड डोनेशन कोचचे रेक्झिनचे काम कट्टा येथील श्री. नितीन चव्हाण व त्यांचे मित्र यांनी ओरोस ब्लडबँक मध्ये येऊन पूर्ण केले.

या वेळी ग्लोबल रक्तदाते परिवाराचे वर्धापन दिनाच्या रक्तपेढी तर्फे शुभेच्छा देण्यात आल्या व दिलेल्या भेटवस्तू बदल आभार मान्यात आले.
या वेळी उपस्थित ग्लोबल रक्तदाते समिती संघाटक श्री.राजा शंकरदास,श्री.अमेय देसाई, श्री. राजेश पारधी ,श्री. विकास पांचाळ,श्री.दिपक ढोलम,राकेश दर्गे,आदी उपस्थित होते.
या सर्व कार्यासाठी ग्लोबल रक्तदाते मालवण समिती संघटक राजा शंकरदास ,राजेंद्र बिडये, अमेय देसाई, विकास पांचाळ,राकेश डगरे, दीपक ढोलम, सौ.नेहा कोळंबकर,सौ. राधा केरकर, या सर्वांनी आर्थिक सहकार्य केले .
ब्लड बँक ओरोस च्या माध्यमातून आज पर्यंत खूप मोलाचे सहकार्य आजपर्यंत मिळत आलेले आहे त्याच जाणिवेतून आपण त्यांचे काहीतरी देणे लागतो आणि
आपण जे काही रक्तदानाचे कार्य करतो त्यासाठी ब्लड बँक ही सुस्थितीत असणे आवश्यक आहे हे लक्षात घेऊन ही मदत करण्यात आली .