सिंधुदुर्गनगरी | प्रतिनिधी : जिल्हाधिकारी के. मंजुलक्ष्मी यांनी गुरुवारी दिलेल्या माहितीनुसार, सिंधुदुर्गातही हॉटेल्स, दुकाने , रेस्टॉरंट्स यावरील निर्बंध शिथिल होणार अशी माहिती मिळत आहेे . संपूर्ण राज्यात लागू केलेले नियम सिंधुदुर्ग जिल्ह्यातही लागू केले जात आहेत. त्यामुळे सायंकाळी ४ वाजेपर्यंत सुरू राहणारी सर्व दुकाने हॉटेल्स आता रात्री दहा वाजेपर्यंत सुरू राहतील. या निर्णयाची अंमलबजावणी १५ ऑगस्ट पासून करण्यात येणार आहे.
राज्यातील हॉटेल्स, मॉल्स, रेस्टॉरंट्स, यावरील कोरोनाचे निर्बंध शिथिल करण्याचा निर्णय बुधवारी झालेल्या राज्य मंत्रिमंडळाच्या बैठकीत झाला आहे. या बैठकीत अनेक महत्वाचे निर्णय घेण्यात आले.
हॉटेल दुकाने यावरील निर्बंध जरी शिथिल केले असतील तरी सुध्दा हॉटेल्स ग्राहकांची क्षमता ५० टक्के इतकीच ठेवण्यात आली आहे.
बुधवारी राज्य मंत्रिमंडळाने नवे नियम लागू करीत रात्री दहा वाजेपर्यंत दुकाने, हॉटेल्स सुरू करण्यास परवानगी दिली होती. परंतु यामध्ये सिंधुदुर्ग जिल्ह्याचाही समावेश आहे की नाही याबाबत व्यापारी वर्गात शंका होती. मात्र संपूर्ण राज्यात हे नियम लागू केले गेले आहेत तेच नियम सिंधुदुर्ग जिल्ह्यातही आहेत त्यामुळे रात्री १० वाजेपर्यंत दुकाने हॉटेल्स सुरू राहतील असे जिल्हाधिकारी के. मंजुलक्ष्मी यांनी स्पष्ट केले आहे.