रस्ता दुरावस्थे बाबत ह्यूमन राईट असोसिएशन फॉर प्रोटेक्शनने वेधले लक्ष!
मसुरे | प्राजक्ता पेडणेकर : मालवण कसाल रस्ता तसेच कुंभारमाट जरीमरी उतार रस्ता आणि फोवकांडा पिंपळ ते मेढा राजकोटपर्यत रस्त्याचे नव्याने डांबरीकरण करण्यात यावे अशी आग्रही मागणी ह्यूमन राईट असोसिएशन फॉर प्रोटेक्शन या संघटनेचे मालवण तालुकाध्यक्ष सुधीर धुरी, कार्याध्यक्ष सुभाष प्रभुखानोलकर, जिल्हा सचिव किशोर नाचणोलकर यांनी सार्वजनिक बांधकाम उपविभाग मालवणचे उपअभियंता यांच्याकडे लेखी निवेदनाद्वारे केली आहे.
सदर रस्ता जागोजागी खड्डे पडून पूर्णपणे खराब झालेला आहे.त्यामुळे वाहन चालकांना तसेच प्रवाशांना खूप त्रास सहन करावा लागत आहे.रस्त्यावरील खड्डे चुकविण्याच्या नादात वाहनांचे अपघात होण्याचे प्रमाण वाढले आहे.वाहन चालकांच्या व प्रवाशांच्या या जीवघेण्या खेळाची वेळीच दखल घेऊन सदरच्या मार्गाचे तातडीने डांबरीकरण करण्यात यावे अन्यथा सनदशीर मार्गाचा अवलंब करावा लागेल असा इशारा संबंधित सार्वजनिक बांधकाम विभागाला ह्यूमन राईट असोसिएशन फॉर प्रोटेक्शन या संघटनेच्यावतीने देण्यात आला आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
