आरोपींनी हल्ला केल्याची दिली कबुली
शिवसैनिक संतोष परब यांच्या हल्लेखोरांना पाच दिवसांची कोठडी
कणकवली / उमेश परब – जिल्हा बँक सतीश सावंत यांचे प्रचार प्रमुख , शिवसैनिक संतोष परब यांच्यावर काल चाकु हल्ला झाला होता,याप्रकरणी चार जणांना अटक करुन न्यायालयात हजर केले असता २३ डिसेंबर पर्यत ५ दिवसांची पोलीस कोठडी सुनावण्यात आली आहे.हा गुन्हा संवेदनशील असल्याने यातील आरोपींची नावे गुप्त ठेवण्यात आली आहेत , आरोपींनी हल्ला केल्याची दिली कबुली दिली असल्याची माहिती पोलीस निरीक्षक,तपासी अधिकारी सचिन हुंदळेकर यांनी दिली.दरम्यान या घटनेचा तपास करताना अत्यंत गोपनीयता पोलीस विभाग ठेवताना दिसत आहे.याबाबत सविस्तर वृत्त असे की, जिल्हा बँक अध्यक्ष सतीश सावंत यांचे प्रचारप्रमुख असलेल्या संतोष परब याच्यावर १८ डिसेंबर रोजी सकाळी ११ वाजण्याच्या सुमारास चाकू सदृश्य टोकदार हत्याराने जीवघेणा हल्ला झाला होता. या हल्ल्यातील चारही आरोपींना ताब्यात घेत इनोव्हा कार पोलिसांनी जप्त केली होती. या हल्ल्यातील मुख्य आरोपी अद्याप पसार आहे,तसेच हे आरोपी पुणे कनेक्शन असल्याचे समजते , हे सर्वही आरोपी सराईत असण्याची शक्यता नाकारता येत नाही , त्यादृष्टीने पोलीस सूत्रांनी माहिती दिली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
