आरोग्य सेविका संजीवनी सावंत यांचे निधन
कट्टा / प्रतिनिधी : सावंतवाडी तालुक्यातील कुणकेरी येथील रहिवासी मालवण तालुक्यातील प्राथमिक आरोग्य केंद्र हिवाळे अंतर्गत उपकेंद्र मसदे येथे कार्यरत असलेल्या आरोग्य सेविका संजीवनी सहदेव सावंत वय ५५ यांचे दिर्घ आजाराने उपचार सुरू असताना कोल्हापूर येथे निधन झाले. त्यांच्या पश्चात पती, २ मुलगे, सुना, नातवंडे, वडील, भाऊ, बहीण,भावजया, दीर, नणंद, पुतणे, पुतण्या असा मोठा परिवार आहे.
वनविभागाचे निवृत्त कर्मचारी सहदेव सावंत यांच्या त्या पत्नी होत. संजीवनी सावंत यांनी ३३ वर्ष आरोग्य सेवेत उत्तम काम केले. मनमिळावू परोपकारी व सेवाभावी असा त्यांचा स्वभाव होता. मालवण कट्टा याठिकाणी त्यांनी ८ वर्ष आरोग्य सेविका म्हणून उत्तम आरोग्य सेवा केली. यानंतर सध्या त्या प्राथमिक आरोग्य केंद्र हिवाळे अंतर्गत उपकेंद्र मसदे येथे कार्यरत होत्या. गेले काही महिने त्या दीर्घ आजाराने त्रस्त होत्या. त्यांच्यावर कोल्हापूर येथील खासगी रुग्णालयात उपचार सुरु होते. परंतु अखेर रविवार ८ ऑगस्ट रोजी त्यांची प्राणज्योत मालवली. त्यांच्या मूळ गावी कुणकेरी येथील स्थानिक स्मशानभूमीत त्यांच्या पार्थिवावर अंत्यसंस्कार करण्यात आले. त्याच्या अकाली जाण्याने गावात शोककळा पसरली होती.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
वेंगुर्लेत महाराष्ट्र चेंबर ऑफ कॉमर्सची 'गाव तिथे उद्योजक’ संकल्पनेवर विशेष बैठक संपन्न.
वेंगुर्लेत महाराष्ट्र चेंबर ऑफ कॉमर्सची 'गाव...
४१ व्या युवा राष्ट्रीय बास्केटबॉल चॅम्पियनशिप स्पर्धेत वैष्णवी परदेशी व अयान सोरठिया करणार महाराष्ट्राच्या संघाचे नेतृत्व.
