मालवण पंचायत समितीच्या वतीने पुरस्काराचे वितरण……

आचरा | अनिकेत पांगे:

पंचायत समिती मालवणच्या वतीने दिला जाणारा आदर्श पदवीधर शिक्षक पुरस्कार मसुरे केंद्र शाळेचे पदवीधर शिक्षक विनोद रामचंद्र कदम यांना मामा वरेरकर नाट्यगृह मालवण येथे नुकताच समारंभ पूर्वक प्रदान करण्यात आला. मालवण सभापती अजिंक्य पाताडे, उपसभापती श्री राजू परुळेकर, उपमुख्य कार्यकारी अधिकारी राजेंद्र पराडकर,
गटविकास अधिकारी श्री जयेंद्र जाधव, गटशिक्षणाधिकारी संजय माने, सहा गटविकास अधिकारी श्याम चव्हाण, आदी यावेळी उपस्थित होते.
शाल, सन्मानपत्र असे या पुरस्काराचे स्वरूप आहे. सामाजिक बांधिलकी जपत आपण प्रबोधनात्मक शिक्षण आजपर्यंत मुलांपर्यंत पोहचविलेले आहे. आणि त्याच पध्दतीने ते पुढेही चालू ठेवणार आहे. पुरस्कारामुळे माझ्या सर्व कष्टांचे चीज झाले अशी प्रतिक्रीया व्यक्त विनोद कदम यांनी व्यक्त केली आहे. श्री. विनोद कदम हे जसे शैक्षणिक क्षेत्रात अग्रेसर आहेत तसेच ते कला व क्रीडा क्षेत्रातही नावाजलेले व्यक्तीमत्व आहे. त्यांना मिळालेल्या पुरस्काराबद्दल आचरा येथील सामाजिक कार्यकर्ते श्री. लीलाधर पाटकर, श्री. मुणगेकर, श्री रामा तळाशीलकर, श्री. सुरेंद्र पेंडुरकर यांनी त्यांच्या निवासस्थानी जात अभिनंदन केले व पुढील वाटचालीसाठी शुभेच्छा दिल्या.