मसुरे | प्राजक्ता पेडणेकर : मसुरे नं.१ केंद्रशाळेच्या उच्चश्रेणी मुख्याध्यापिका सौ.शर्वरी शिवराज सावंत यांना मालवण पंचायत समिती मार्फत दिला जाणार उत्कृष्ट आदर्श मुख्याध्यापिका पुरस्कार व पदवीधर शिक्षक श्री.विनोद रामचंद्र कदम यांना आदर्श पदवीधर शिक्षक पुरस्कार प्राप्त झाला आहे. मसुरे नं.१ केंद्रशाळेमध्ये सातत्याने विविध उपक्रम राबविले जातात.त्यामुळे ही शाळा कायम उच्चस्थानी राहिली आहे.मालवण पंचायत समिती तर्फे दिला जाणारा उत्कृष्ट आदर्श उच्चश्रेणी मुख्याध्यापिका पुरस्कार सौ.शर्वरी शिवराज सावंत (केंद्रशाळा मसुरे नं.१) यांना प्रदान करतेवेळी पंचायत समिती माजी सभापती सौ.मनीषा वराडकर,व पदवीधर शिक्षक श्री.विनोद कदम यांना पुरस्कार प्रदान करतेवेळी श्री.गावडे.यावेळी उपमुख्यकार्यकारी अधिकारी राजेंद्र पराडकर,सभापती श्री.अजिंक्य पाताडे,उपसभापती श्री.सतीश परुळेकर,गटविकास अधिकारी श्री.जयेंद्र जाधव, गटशिक्षणाधिकारी श्री.संजय माने,सहाय्यक गटविकास अधिकारी श्री.शाम चव्हाण,माजी उपसभापती श्री.बागवे,विस्तार अधिकारी श्री.उदय दीक्षित, क्रीडाशिक्षक श्री.अजय शिंदे, केंद्रप्रमुख श्री.नितीन कदम,केंद्रप्रमुख श्री.नंदु गोसावी,केंद्रप्रमुख श्री.अनिल खडपकर आदी मान्यवर उपस्थित होते. केंद्रशाळा मसुरे नं.१च्या पुरस्कार प्राप्त शिक्षकांनी सदर पुरस्काराचे श्रेय मसुरे केंद्रप्रमुख श्री.नारायण देशमुख सहकारी शिक्षक श्री.गुरुनाथ ताम्हणकर , श्री.विनोद सातार्डेकर ,श्री.गोपाळ गावडे,सौ.रामेश्वरी मगर, माजी जि.प.अध्यक्ष श्री.संग्राम प्रभुगांवकर , जि.प.सदस्य सौ.सरोज परब,पंचायत समिति सदस्य सौ.गायत्री ठाकुर, सरपंच श्री.संदीप हडकर तसेच शाळा व्यवस्थापन समिति अध्यक्ष श्री.सन्मेष मसुरेकर,माजी अध्यक्ष श्री.दत्तप्रसाद पेडणेकर,माजी सरपंच सौ.लक्ष्मी पेडणेकर तसेच विद्यार्थी व तमाम पालकवर्ग यांना दिले आहे. आपल्या कामालाच देव मानून निरपेक्षवृत्तीने काम करणाऱ्या सौ.शर्वरी सावंत मँडम व श्री.विनोद कदम सर यांना पुरस्कार प्राप्त झाल्या बद्दल मसुरे पंचक्रोशीतून कौतुक होत आहे.