सिंधुदुर्ग जिल्ह्यात “नया शुभारंभ…..!”

मसुरे | प्राजक्ता पेडणेकर : संशोधन हा विषय किती गहन असतो हे संशोधक जाणतातच अगदी तसेच मोड अथवा अंकुर हा अन्नातील एक ‘गहना’ कसा बनू शकतो ते आहारतज्ज्ञ ,गृहिणी व अन्ना शिजवणारे सेवक जाणतात. आता सिंधुदुर्ग जिल्ह्यातील तळगांव येथे त्यासंदर्भात एक प्रशिक्षण प्रशिक्षण पार पडले आहे….!
मालवण तालुक्यातील तळगांव खांद येथे कडधान्य विकास कार्यक्रमांतर्गत कडधान्य शेती शाळेचे उदघाटन जिल्हा अधिक्षक कृषी अधिकारी एस.एन. म्हेत्रे  यांच्या हस्ते करण्यात आले. यावेळी सरपंच अनघा वेंगुर्लेकर,तालुका कृषी अधिकारी विश्वनाथ गोसावी,  उपसरपंच अनंत चव्हाण, आरसीएफ सिंधुदुर्गचे चीफ श्री. गुरसाळे, ग्रा.पं.सदस्य प्रसाद दळवी, निशिगंधा कदम, आत्मा सदस्य उज्वला दळवी, कृषी मित्र लता खोत,कृषी सहाय्यक अमृता राणे व शेतकरी उपस्थित होते. यावेळी शेतकऱ्यांना कडधान्य प्रात्यक्षिका करिता चवळी बियाण्याचे श्री म्हेत्रे  यांच्या हस्ते वाटप करण्यात आले. मान्यवरांनी मार्गदर्शन केले.
हा व असे नवनवीन  प्रकल्प ‘स्प्राऊटप्रेमींसाठी’ तर ही नक्कीच एक आरोग्यवर्धिनी ठरेल असा विश्वास आहारतज्ज्ञ व सिंधुनगरी चॅनेलच्या सहसंपादक वैशाली पंडित यांनी व्यक्त केला आहे.