ब्यूरो न्यूज/ विवेक परब : नोव्हेंबर अखेर ते डिसेंबर मध्ये झालेल्या अवकाळी पावसामुळे आंबा व काजु मोहरावर प्रचंड प्रमाणात परिणाम झाला आहे . अनेक शेतकरी व बागायतदारांनी बॅंक कर्ज उचल करुन औषधे , कीटकनाशके खरेदी केली . अवकाळी पावसाळ्यापुर्वी आंबा – काजु कलमावर मोठ्या प्रमाणात फवारणी झाली होती , परंतु अवकाळी पावसामुळे शेतकरयांचा व बागायतदारांचा हा खर्च वाया गेला असुन आर्थिक नुकसान झालेले आहे . अवकाळी पावसामुळे आलेला मोहर खराब झाला असुन त्याचा परिणाम आंबा – काजु उत्पादनांवर होणार आहे . शेतकरी – बागायतदारांनी स्वतः चा घातलेला पैसा , बॅंक कर्जाद्वारे उभारलेला पैसा याद्वारे आर्थिक नुकसान होणार आहे . शासकीय यंत्रणेमार्फत या नुकसानीची पहाणी करुन पंचनामे करण्यात यावे . जेणेकरून शेतकरयांना शासकीय मदत , पिक विमा संरक्षणाचा लाभ मिळवता येईल तरी या दृष्टीने शासन स्तरावर पाठपुरावा करुन तात्काळ कार्यवाही व्हावी अशी निवेदनाद्वारे मागणी करण्यात आली . तसेच शासन स्तरावर योग्य ती कार्यवाही न झाल्यास व शेतकरी – बागायतदारांना आर्थिक भुर्दंड सहन करावा लागल्यास भाजपा किसान मोर्चाच्या वतीने आंदोलन करण्यात येईल असा इशारा देण्यात आला . यावेळी किसान मोर्चा चे जिल्हा सरचिटणीस प्रफुल्ल उर्फ बाळु प्रभु , भाजपा जिल्हा सरचिटणीस प्रसंन्ना देसाई , तालुकाध्यक्ष सुहास गवंडळकर , प्रदेश का का सदस्य शरदजी चव्हाण , ता.सरचिटणीस प्रशांत खानोलकर , जिल्हा का.का.सदस्य वसंत तांडेल , उपनगराध्यक्षा कु शितल आंगचेकर , महीला मोर्चा च्या सारीका काळसेकर , किसान मोर्चा ता .सरचिटणीस सत्यवान पालव , आंबा बागायतदार प्रताप गावसकर , संजय वेंगुर्लेकर , मच्छिमार सेलचे जिल्हाध्यक्ष दादा केळुसकर ,माजी पं.स.सदस्य पुरुषोत्तम परब , रविंद्र शिरसाठ , शेखर काणेकर , ओंकार चव्हाण , वृंदा गवंडळकर , रसीका मठकर , युवा मोर्चा चे हेमंत गावडे , प्रमोद शिरोडकर ,रमेश दाजी परब , चंद्रकांत दाजी परब, गोविंद दाजी परब , सूर्यकांत दाजी परब इत्यादी आंबा – काजु बागायतदार व किसान मोर्चा चे पदाधिकारी कार्यकर्ते उपस्थित होते .