चिंदरची दिंडेजत्रा आणि दत्त जयंती उत्सव १८ डिसेंबरला
चिंदर/विवेक परब :मालवण तालुक्यातील दिंडेजत्रा म्हणून प्रसिद्ध असलेली चिंदर गावच्या भगवती माऊलीची जत्रा आणि श्री दत्त जयंती उत्सव शनिवार १८ डिसेंबर रोजी होणार आहे. सकाळी भगवती माऊलीची साडी चोळी अलंकार नेसून विधिवत पूजा, बारापाच मानक-यांच्या उपस्थिती गा-हाणे, ओटी भरण्याचा कार्यक्रम, नैवैध्य, दिवस भर ओट्या भरण्याचा कार्यक्रम व दर्शन, संध्याकाळी ८.३०वाजता दत्त मंदिर येथे श्री दत्तजन्म, पालखी सोहळा त्यानंतर रामेश्वर मंदिराकडून ढोल ताशांच्या गजरात देव तरंगांचे वाजत गाजत भगवती मंदिरात आगमन होणार आहे. पुराण वाचन,दिंडे पाजळणे, किर्तन, गोंधळ, आरती कार्यक्रम होतील. दुसऱ्या दिवशी संध्याकाळी दत्त मंदिर येथे पालखी सोहळा व महाप्रसाद तसेच पाच दिवस भगवती मंदिर येथे रात्री स्थानिक भजने, पुराण, किर्तन, आरती तसेच मनोरंजनात्मक कार्यक्रम व पाचव्या दिवशी महिलांसाठी हळदीकुंकू समारंभ होणार आहे. लळीत उत्सवाने कार्यक्रमाची सांगता होणार आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
