आचरा | अनिकेत पांगे : सिंधुदुर्ग जिल्ह्यातील श्री दत्त मंदिर ,आचरा गाऊडवाडी येथे श्री ज्ञानेश्वर महाराज समाधी उत्सव व श्री दत्त जयंती उत्सव सोहळ्याचे आयोजन प्रतिवर्षाप्रमाणे श्री दत्त प्रासादीक मंडल आचरा,गाऊडवाडी यांच्या वतीने श्री दत्त मंदिर आचरा येथे करण्यात आले आहे. प्रथम श्री ज्ञानेश्वर महाराज समाधी उत्सवाचे आयोजन ३० नोव्हेंबर २०२१ ते २ डिसेंबर २०२१ या कालावधीत करण्यात आले आहे. करण्यात आले आहे. यानिमित्त श्री ज्ञानेश्वर महाराज प्रतिमा स्थापना व पूजन, आरती भजने ,सुश्राव्य किर्तन, इतर भक्तीमय कार्यक्रम ,जेष्ठ नागरीकांना भक्तीगीत कार्यक्रम असे विविध कार्यक्रम संपन्न होणार आहेत. तसेच समारोप दिनी दुपारी महाप्रसाद व सायंकाळी ८.०० या धार्मिक विधींचा कार्यक्रम होणार आहे.
त्याचसोबत शुक्रवार दि. १७ डिसेंबर २०२१ रोजीपासून प्रथेप्रमाणे निशाण फेरी काढून श्री दत्त जयंती उत्सवास प्रारंभ होणार असून शनि दि १८ डिसेंबर २०२१ रोजी सकाळी श्री दत्त माऊलींना अभिषेक, पूजा, महाप्रसाद व स्थानिक भक्तीमय तथा करमणुकीचे कार्यक्रम होणार आहेत. तरी सर्व भक्तांनी या दोन्ही कार्यक्रमांस उपस्थित राहून लाभ घ्यावा असे श्री दत्त प्रासादीक मंडळ, आचरा गाऊडवाडी यांच्याकडून आवाहन करण्यात आले आहे.