ऐश्वर्य मांजरेकर यांच्या रूपाने मालवण तालुक्याला प्रथमच हा मान झाला प्राप्त…!

मालवण | ब्युरो न्यूज :  मनुष्यबळ विकास लोकसेवा अकादमी मुंबईतर्फे आयोजित राज्यस्तरीय गुणीजन गौरव महापरिषद तर्फे कला, क्रीडा ,  सामाजिक , साहित्यिक आणि संशोधन आदी क्षेत्रात उल्लेखनीय योगदान देणाऱ्या तरुणांना व संस्थेला राज्यस्तरीय पुरस्कार प्रदान करण्यात येतो .
‘पुरस्कार प्रेरणा देतात आणि प्रेरणेने राष्ट्र मोठे होते’ असा उदात्त हेतू ठेवून लोकसेवा अकादमी दरवर्षी अशा स्वरूपाचे पुरस्कार प्रदान करते .यंदा सन http://localhost/news/public/uploads/2021 यावर्षीचा राज्यस्तरीय आदर्श युवा महाराष्ट्र युथ आयडॉल समाजरत्न पुरस्काराचे मानकरी म्हणून सिंधुदुर्ग जिल्ह्यातील मालवण तालुक्याचे सुपुत्र ऐश्वर्य वसुंधरा जनार्दन मांजरेकर यांची राज्यस्तरीय निवड करण्यात आली आहे .

ऐश्वर्य मांजरेकर यांच्या सामाजिक ,  शैक्षणिक व इतर क्षेत्रातील उत्कृष्ट कार्याची दखल घेऊन मनुष्यबळ विकास लोकसेवा अकादमी मुंबई व गुणीजन गौरव महापरिषदेचे अध्यक्ष  अ‍ॅड. कृष्णाजी जगदाळे यांनी त्यांच्या नावाची शिफारस केली. सदर पुरस्कार सोहळे मुंबई, पुणे , नाशिक येथे आयोजित करण्यात आले आहेत . पुरस्काराचे स्वरूप आकर्षक सन्मानचिन्ह , लक्षवेधी गौरवपत्र ,  विशेष महावस्त्र , खास मानपत्र ,  मानकरी बॅच व मानाचा फेटा असे  असून  समारंभाध्यक्ष पद्मश्री डॉ  विजयकुमार शहा  व नामवंत पाहुण्यांच्या प्रमुख उपस्थितीत हा पुरस्कार प्रदान करण्यात येणार आहे.  ऐश्वर्य वसुंधरा जनार्दन मांजरेकर यांना राज्यस्तरीय आदर्श युवा महाराष्ट्र युथ आयडॉल समाजरत्न पुरस्कार http://localhost/news/public/uploads/2021 जाहीर केल्याबद्दल समाजातील विविध स्तरांसह समस्त सिंधुदुर्गवासीय व मालवणवासीयांतर्फे त्यांची विशेष प्रशंसा केली जात आहे .