बांदा येथे सोमवारी श्री विठोबाची जत्रा.
बांदा | प्रतिनिधी : बांदा येथिल श्री विठ्ठल रखुमाई देवस्थानचा वार्षिक जत्रोत्सव सोमवार दि.१५ नोव्हेंबर रोजी साजरा होत आहे. कार्तिकी भागवत एकादशीला दरवर्षी हा जत्रोत्सव साजरा केला जातो. या सोहळ्यानिमित्त श्री विठ्ठल मंदिरात संपूर्ण दिवसभर विविध धार्मिक कार्यक्रमांचे आयोजन करण्यात आले आहे.
पहाटे ५ ते ७.३० काकडआरती होईल.त्यानंतर दर्शन व तीर्थप्रसादास आरंभ होईल. सायंकाळी उत्सवमूर्तीचे मंदिरात आगमन होईल. सायं ५ ते ७ स्थानिक महिला भजनकर्मींची भजनसेवा होईल. ७ वाजता नित्य सायंआरती तर ९ वाजता श्रींचा पालखी सोहळा आरंभ होईल. जत्रोत्सवानिमित्त आजगांवकर दशावतार नाट्यमंडळाच्या नाट्यप्रयोगाचे आयोजन करण्यात आले आहे.
भाविकांनी या सोहळ्याचा लाभ घेण्याचे आवाहन श्री विठ्ठल मंदिर बांदा देवस्थानच्या वतीने करण्यात आले आहे.तसेच मंदिरात पाडव्यापासुन दररोज पहाटे काकडआरती सोहऴा सुरु असून हा कार्यक्रम शुक्रवार दि.१९ पर्यंत सुरु राहणार आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
