मसुरे | सौ .प्राजक्ता पेडणेकर : श्री देवी भगवती छाया प्रतिष्ठान व या गावचे सुपुत्र आनंद मालाडकर यांनी चांगले उपक्रम गावात राबविण्यास सुरवात केली आहे. अनेक गरजूंना प्रत्यक्ष मदत यांच्या माध्यमातून पोहोचत आहे. शालेय विद्यार्थ्यांना वह्या वाटप करण्याच्या उपक्रमातून शैक्षणिक भान सुद्धा उपरोक्त प्रतिष्ठानने जपले आहे. विद्यार्थ्यांनी सुद्धा यांच्या कार्याचा आदर्श आपल्या भावी जीवनात घेऊन सामाजिक बांधिलकी जपावी असे आवाहन श्री भगवती एज्युकेशन सोसायटी मुणगेचे उपाध्यक्ष सुरेश बांदेकर यांनी येथे केले.
श्री देवी भगवती छाया प्रतिष्ठान व आनंद मालाडकर यांच्या मार्फत श्री भगवती हायस्कुल व वीणा सुरेश बांदेकर ज्यू. कॉलेज ऑफ व्होकेशनल कोर्सेस येथे वह्या वाटप कार्यक्रम प्रसंगी ते बोलत होते.

प्रतिष्ठानच्या सल्लागार सौ साक्षी गुरव यांनी प्रतिष्ठानच्या वतीने राबविण्यात येणाऱ्या विविध उपक्रमांची माहिती देत भविष्यात कुठल्याही विद्यार्थ्याचे परिस्थिती अभावी शिक्षण थांबू नये यासाठी प्रयत्न राहतील असे सांगितले. यावेळी प्र. मुख्याध्यापक प्रसाद बागवे, पोलीस पाटील सौ साक्षी गोविंद सावंत, पत्रकार विश्वास मुणगेकर,सदस्य अंजली सावंत, रविना मालाडकर, सौ सायली बागवे आदी उपस्थित होते.यशस्विनी प्रतिष्ठान पुरस्कृत व श्री देवी भगवती छाया प्रतिष्ठान मुंबई यांच्या वतीने सर्व शिक्षकांचा सन्मानपत्र देऊन सत्कार करण्यात आला. पाचवीतील विध्यार्थी दक्षेस गुरुप्रसाद मांजरेकर याने बिडीएस परीक्षेत गोल्ड मेडल प्राप्त केल्याबद्दल सत्कार करण्यात आला.
यावेळी श्रीमती एम. बी. कुंज, सौ गौरी तवटे, एन. जी. वीरकर, बाबाजी सावंत, झुंजार पेडणेकर, गुरुप्रसाद मांजरेकर, प्रियांका ठाकूर, प्रियांका कासले,स्वप्नील कांदळगावकर, एन. एल. बागवे आदी उपस्थित होते. सुत्रसंचलन व आभार सौ गौरी तवटे तर प्रास्ताविक प्रसाद बागवे यांनी केले.