'लास्ट उन्स डॉयच लर्नेन...!'

स. का. पाटील सिंधुदुर्ग महाविद्यालयात इच्छुकांसाठी 'जर्मन भाषा फाऊंडेशन कोर्स' साठी नोंदणीचे आवाहन. 

मालवण | ब्यूरो न्यूज : लोकमान्य मल्टीपर्पज को. ऑ. सोसायटी व स. का. पाटील कला वाणिज्य आणि देशभक्त शंकरराव गवाणकर विज्ञान महाविद्यालय मालवण यांच्या संयुक्त विद्यमाने एक महिना कालावधीचा 'जर्मन भाषा फाउंडेशन कोर्स' ऑनलाईन पद्धतीने शिकवला जाणार आहे. या कोर्स मध्ये सहभागी होण्यासाठी १ डिसेंबर पर्यंत आपली नाव नोंदणी स. का. पाटील सिंधुदुर्ग महाविद्यालयात करावी असे आवाहन महाविद्यालयाचे प्रभारी प्राचार्य कैलास राबते यांनी केले आहे.

या प्रशिक्षणासाठी जर्मन भाषेचे पूर्वज्ञान आवश्यक नसेल. या कोर्ससाठी किमान वयोमर्यादा १८ ते ३० वर्ष अशी आहे. दहावी, बारावी, पदवी व पदवीत्तर विद्यार्थी या प्रशिक्षणाचा लाभ घेऊ शकतात. या प्रशिक्षणासाठी नाव नोंदणी करण्याची अंतिम तारीख १ डिसेंबर आहे. अधिक माहितीसाठी महाविद्यालयाचे प्रभारी प्राचार्य कैलास राबते,(8381022529), प्रा. डॉ. उज्वला सामंत (9421261439), लेफ्टनंट प्रा. डॉ. एम. आर. खोत (8767586269), प्रा. डॉ. देविदास हारगिले (9421189907) यांच्याशी इच्छुकांना संपर्क साधता येऊ शकतो. १ डिसेंबर २०२६ पर्यंत महाविद्यालयात नाव नोंदणी करायचे आवाहन प्रभारी प्राचार्य कैलास राबते यांनी केले आहे.

'लास्ट उन्स डॉयच लर्नेन,' म्हणजेच, 'चला, जर्मन भाषा शिकुया' अशा ह्या आवाहनाबद्दल मालवणात, इच्छुकांना भाषेच्या अभिलाषेचा एक नवीन अध्याय अभ्यासता येऊ शकेल आणिॅ व्यावसायिक दृष्टिकोनातून जर्मन भाषा 'शिकून ठेवणे' असाही एक नवीन पर्याय उपलब्ध होणार आहे अशी प्रतिक्रिया व्यक्त आहे.