भारतरत्न महर्षी धोंडो केशव कर्वे यांच्या पुण्यतिथीनिमित्त आमदार निलेश राणे यांचे अभिवादन.

मालवण : स्त्री शिक्षणाचे पुरस्कर्ते, थोर समाजसुधारक, भारतरत्न महर्षी धोंडो केशव कर्वे यांच्या पुण्यतिथीनिमित्त कुडाळ मालवणचे आमदार निलेश राणे यांनी सोशल मिडिया पोस्टद्वारे अभिवादन केले आहे.

महर्षी धोंडो केशव कर्वे यांचा जन्म १८ एप्रिल १८५८ रोजी झाला होता. ते, आधुनिक भारतातील एक थोर समाजसुधारक आणि स्त्री शिक्षणाचे प्रणेते होते. त्यांचा जन्म कोकणातल्या रत्नागिरी जिल्ह्यातील मुरुड येथे झाला होता. त्यांची त्यांच्या जीवनात, स्त्रियांचे हक्क, विधवा - पुनर्विवाह आणि स्त्री शिक्षणासाठी सक्रीयता होती . त्यांनी पुण्यात हिंगणे येथे मुलींची शाळा आणि महिला विद्यालयाची स्थापना केली, तसेच विधवांच्या पुनर्विवाहासाठी आणि पुनर्वसनासाठी मोठे कार्य केले.

त्यांच्या सर्वांगीण ऐतिहासिक व प्रेरणादायी कार्याचा गौरव म्हणून १९५८ मध्ये त्यांना भारताचा सर्वोच्च नागरी सन्मान 'भारतरत्न' प्रदान करण्यात आला होता. ९ नोव्हेंबर १९६२ साली वयाच्या १०४ वर्षांचे असताना त्यांचे निधन झाले.