आंबोली घाटातली वाहतूक एका तासात पूर्ववत झाल्याची राष्ट्रीय महामार्ग सहाय्यक कार्यकारी अभियंता श्रीमती वृषाली पाटील यांची माहिती.

सिंधुदुर्ग | ब्यूरो न्यूज : आंबोली घाटात नाना पाणी पॉइंटपासून सुमारे २०० मीटर अंतरावर साखळी क्रमांक ३१/९७९ येथे झाड पडल्याने वाहतूक सुमारे एक तास बंद होती. वन विभागाचे कर्मचारी, नागरिक आणि वन विभागाच्या जलद प्रतिसाद पथकाने तत्काळ कार्यवाही करून पडलेले झाड बाजूला केले.

सकाळी ९.४५ वाजता वाहतूक पूर्ववत करण्यात आली. सध्या आंबोली घाटातील वाहतूक सुरळीत सुरू असल्याची माहिती राष्ट्रीय महामार्गाच्या सहाय्यक कार्यकारी अभियंता श्रीमती वृषाली पाटील यांनी दिली.