मालवण नगरपरिषदेच्या माध्यमातून बंदरजेटीवरील प्रसाधनगृह वापर व देखभालीसाठी बोअरवेलच्या खोदकामाचा नगराध्यक्षा ममता वराडकर यांच्या हस्ते शुभारंभ.

मालवण | प्रतिनिधी : मालवण नगरपरिषदेच्या माध्यमातून, नगराध्यक्षा ममता वराडकर यांच्या हस्ते मालवण बंदरजेटीवरच्या 'प्रसाधनगृह वापर व देखभालीसाठी' अत्यावश्यक असणारी 'नियमित व मुबलक' पाण्याची सोय लक्षात घेता बोअरवेल उभारणीसाठी खोदकामाचा, ६ नोव्हेंबर २०२६ रोजी शुभारंभ करण्यात आला आहे. पर्यटक, स्थानिक, व्यापारी यांची वर्दळ असलेल्या मालवण बंदरजेटीवरील प्रसाधनगृहात जास्त प्रमाणात आवश्यक असलेली पाण्याची गरज लक्षात घेऊन तसेच तिथल्या पाण्याच्या कमतरतेमुळे निर्माण होणारी असुविधा व अस्वच्छता दूर करून नियमित व पुरेसा पाणीपुरवठा उपलब्ध व्हावा या उद्देशाने नगरपरिषदेच्या माध्यमातून बोअरवेल उभारणीचे हे काम हाती घेण्यात आले आहे. या बोअरवेल खोदाई कामाचा शुभारंभ नगराध्यक्षा ममता वराडकर यांच्या हस्ते श्रीफळ वाढवून करण्यात आला.

या बोअरवेल खोदाई कामाच्या शुभारंभप्रसंगी उपनगराध्यक्ष दीपक पाटकर, स्वच्छता व आरोग्य सभापती नगरसेविका पूनम चव्हाण, नगरसेविका शर्वरी पाटकर, नगरसेविका निना मुंबरकर, नगरसेविका अश्विनी कांदळकर, नगरसेविका मेघा सावंत, नगरसेविका भाग्यश्री मयेकर यांच्यासह शिवसेना तालुकाप्रमुख मंदार लुडबे, शहरप्रमुख राजू बिडये, उद्योजक मोहन वराडकर, माजी नगरसेवक जॉन नरोना, भाई मांजरेकर, कमलेश कोचरेकर, संदीप मालंडकर असे मान्यवर उपस्थित होते.