जि. प. सदस्य वर्षा सांबारी यांची पळसंब येथील महापुरुष महिला समूहाच्या अंडी संकलन केंद्राला सदिच्छा भेट.

मालवण : आचरा जिल्हा परीषद सदस्य सौ. वर्षा मांगिरीष सांबारी यांनी सिंधुदुर्ग जिल्ह्यातील मालवण तालुक्यातल्या पळसंब येथील 'महाराष्ट्र राज्य ग्रामीण जीवनोन्नती अभियान' (उमेद) अंतर्गत महापुरुष महिला समूहाच्या नव्याने सुरू झालेल्या अंडी संकलन केंद्राला ५ नोव्हेंबर २०२६ रोजी सदिच्छा भेट दिली. ह्यावेळी 'उमेद' आणि मंडळाचे मान्यवर उपस्थित होते.

'महिला सक्षम तर कुटुंब सक्षम, आणि कुटुंब सक्षम तर गाव सक्षम,' अशा संदेशाद्वारे त्यांनी त्यांच्या ह्या विशेष भेटीची माहिती दिली आहे. या भेटीनंतर जि. प. सदस्य वर्षा सांबारी यांनी हा उपक्रम महिलांच्या हाताला काम, कष्टाला दाम आणि स्वावलंबनाला नवी दिशा देणारा असल्याचे नमूद केले असून या उपक्रमातील सर्व महिला भगिनी, बचत गट पदाधिकारी आणि संबंधित अधिकारी-कर्मचारी यांचे अभिनंदन करत पुढील वाटचालीसाठी सदिच्छा व्यक्त केल्या आहेत.