शिवसेना उद्धव बाळासाहेब ठाकरे पक्षाच्या वतीने 'मालवण - बोरीवली' व 'मालवण - पणजी' बससेवा पूर्ववत सुरू होण्यासाठी मालवण आगार व्यवस्थापकांना निवेदन.

आगार व्यवस्थापकांच्या आश्वासक भूमिकेची शहरप्रमुख पृथ्वीराज उर्फ बाबी जोगी यांची माहिती.

मालवण : मालवण शिवसेना उद्धव बाळासाहेब ठाकरे पक्षाच्या वतीने शहरप्रमुख पृथ्वीराज उर्फ बाबी जोगी यांनी 'मालवण - बोरीवली' आणि 'मालवण - पणजी' या बससेवा पूर्ववत सुरू होण्यासाठी मालवण आगार व्यवस्थापकांना निवेदन दिले. सदर बससेवा बंद असल्याने सिंधुदुर्ग जिल्ह्यातील नागरिक, विद्यार्थी, नोकरदार वर्ग, व्यापारी, ज्येष्ठ नागरिक व प्रवाशांची गैरसोय होत असल्याचे ह्या निवेदनात नमूद करण्यात आले आहे.

२९ ऑगस्ट २०२६ रोजी शहरप्रमुख पृथ्वीराज उर्फ बाबी जोगी व सहकारी, पदाधिकारी कार्यकर्ते यांच्या वतीने देण्यात आलेल्या या निवेदनाला, मालवण डेपो मॅनेजर यांनी सकारात्मकता दर्शवत १ सप्टेंबर पासून मालवण - पणजी बससेवा पूर्ववत सुरू करत असल्याचे सांगितले. तसेच मालवण - बोरीवली बस सेवेसाठी देखील प्रयत्न करू असे आगार व्यवस्थापकांनी आश्वासित केले असल्याची माहिती शिवसेना उद्धव बाळासाहेब ठाकरे पक्षाचे मालवण शहरप्रमुख पृथ्वीराज उर्फ बाबी जोगी यांनी दिली आहे.

यावेळी शहरप्रमुख पृथ्वीराज उर्फ बाबी जोगी यांच्यासह उप शहरप्रमुख किरण चव्हाण, गणेश चव्हाण, सुरेश मडिये, दत्ता पोईपकर आदी उपस्थित होते.