मुंबई विद्यापीठ कथाकथन स्पर्धा प्रकारात कट्टा महाविद्यालयाच्या प्राची परब यांची अंतिम फेरीसाठी निवड.

संस्था अध्यक्ष अजयराज वराडकर यांच्यासह संस्था पदाधिकारी तसेच महाविद्यालय विकास समिती अध्यक्ष व सर्व पदाधिकारी व महाविद्यालयाचे प्राचार्य, उपप्राचार्य, प्राध्यापकवर्ग व प्राध्यापकेतर कर्मचाऱ्यांकडून अभिनंदन व अंतिम फेरीसाठी शुभेच्छा. 

मालवण | ब्यूरो न्यूज : मुंबई विद्यापीठाच्या विद्यार्थी विकास विभागातर्फे घेण्यात आलेल्या ५९ वा युवा महोत्सवात कट्टा पंचक्रोशी शिक्षण प्रसारक मंडळ, कट्टा संचलित डॉ. दादासाहेब वराडकर कला व वाणिज्य महाविद्यालयाच्या प्राची संभाजी परब यांनी मराठी कथाकथन प्रकारात प्रभावी सादरीकरण करत द्वितीय क्रमांक प्राप्त केला. या कामगिरीमुळे त्यांची मुंबई विद्यापीठाच्या अंतिम फेरीसाठी निवड झाली आहे. प्राची परब यांना महाविद्यालयीन प्राध्यापक व्ही. आर. पालव यांचे मार्गदर्शन लाभले.

प्राची परब यांच्या यशाबद्दल संस्था अध्यक्ष अजयराज वराडकर यांच्यासह संस्था पदाधिकारी तसेच महाविद्यालय विकास समिती अध्यक्ष व सर्व पदाधिकारी व महाविद्यालयाचे प्राचार्य श्री. डी. व्ही. मिराशी, उपप्राचार्य श्री. आर. जी. गावडे, सर्व प्राध्यापकवर्ग व प्राध्यापकेतर कर्मचाऱ्यांनी त्यांचे अभिनंदन करून मुंबई विद्यापीठाच्या अंतिम फेरीसाठी शुभेच्छा दिल्या आहेत .