सिंधू रनर्सच्या 'सावंतवाडी १२ तास रन'चा ८ ऑगस्टला शुभारंभ. 

दक्षिण आफ्रिकेतील 'काॅम्रेड मॅरेथॉन फेम' व "सिंधु रनर' ओंकार पराडकर यांची विशेष माहिती.

ब्यूरो न्यूज | सावंतवाडी : सिंधुदुर्ग जिल्ह्यातील सावंतवाडी नगरपरिषद व सिंधू रनर्स, सावंतवाडी यांच्या संयुक्त विद्यमाने माझी वसुंधरा अभियान व स्वच्छ सर्वेक्षण अंतर्गत मॅरेथॉन स्पर्धेचे आयोजन करण्यात आले आहे. ही स्पर्धा दिनांक ८ ऑगस्ट २०२६ रोजी रात्री ८:०० वाजता ते ९ ऑगस्ट २०२६ रोजी सकाळी ८:०० वाजेपर्यंत मोती तलाव परिसरात घेण्यात येणार असून या स्पर्धेचा शुभारंभ ८ ऑगस्ट २०२६ रोजी रात्री ८:०० वाजता राजवाडा प्रवेश‌द्वार येथून होणार आहे. या स्पर्धेत ३ तास, ६ तास आणि १२ तास अशा तीन गटांमध्ये महाराष्ट्रातील विविध जिल्ह्यांसह, गोवा व इतर राज्यांतील धावपटू सहभागी होणार आहेत.

दक्षिण आफ्रिकेतील 'काॅम्रेड मॅरेथॉन फेम' व "सिंधु रनर' ओंकार पराडकर यांनी याबाबत मिळत असलेल्या प्रतिसादाची विशेष माहिती दिली आहे.

सिंधू रनर्स यांच्या वतीने सर्व नागरिकांनी मोठ्या संख्येने उपस्थित राहून रात्रभर धावणाऱ्या धावपटूंना प्रोत्साहन द्यावे आणि या क्रीडा सोहळ्याचे साक्षीदार व्हावे, असे आवाहन सावंतवाडी नगरपरिषद आणि सिंधु रनर्स, सावंतवाडीच्या वतीने करण्यात आले आहे. अधिक माहितीसाठी ओंकार पराडकर (9420307187) व भूषण बांदेकर (9527387727) यांच्याशी संपर्क साधावा, अशी माहिती मिळत आहे.