मालवणात लिमये हाॅस्पिटलमध्ये ४ ऑगस्ट रोजी मोफत BMD (बोन मिनरल डेन्सिटी)तपासणी शिबिर.

लिमये हॉस्पिटल व रोटरी क्लब मालवण यांचे संयुक्त आयोजन.

मालवण | प्रतिनिधी : सिंधुदुर्ग जिल्ह्यातील मालवण शहरातल्या लिमये हाॅस्पिटलमध्ये ४ ऑगस्ट २०२६ रोजी लिमये हॉस्पिटल व रोटरी क्लब मालवण यांच्या संयुक्त विद्यमाने BMD (Bone Mineral Density) तपासणी शिबिर तपासणी शिबिराचे आयोजन करण्यात आले आहे. डाॅ. लीना लिमये यांनी याबाबत माहिती दिली आहे.  

वाढते वय, व्यस्त जीवनशैली आणि कॅल्शियमची कमतरता यामुळे हाडे कमकुवत होण्याचा धोका वाढतो. मात्र योग्य वेळी तपासणी केल्यास ऑस्टिओपोरोसिस सारखे आजार लवकर ओळखता येतात आणि भविष्यातील गंभीर समस्या टाळता येतात या अनुषंगाने, ४ ऑगस्ट २०२६ रोजी सकाळी १०.०० ते सायंकाळी ५.०० या वेळेत लिमये हॉस्पिटल, भरड, मालवण येथे हे शिबीर संपन्न होणार आहे.

ही तपासणी विशेषतः ४० वर्षांवरील सर्व महिलांसाठी व ६० वर्षांवरील सर्व पुरुषांसाठी असेल. हाडांची घनता (Bone Density) मोजणे, ऑस्टिओपोरोसिसचा धोका वेळेत ओळखणे यासाठी ही तपासणी फायदेशीर असून ती तपासणी अवघ्या २ मिनिटांची तसेच वेदनारहित व सुरक्षित आहे अशी माहिती मिळत आहे. इच्छुकांना या शिबिराचा लाभ घेण्याचे आवाहन करण्यात आले आहे.