वराडकर हायस्कूल व कनिष्ठ महाविद्यालयाचे ज्येष्ठ लिपिक जयवंत पेडणेकर यांचा सेवापूर्ती सन्मान सोहळा. 

कट्टा पंचक्रोशी शिक्षण प्रसारक मंडळाचे अध्यक्ष अजयराज वराडकर व मान्यवरांची उपस्थिती.

मालवण | ब्यूरो न्यूज : मालवण तालुक्यातील कट्टा येथील वराडकर हायस्कूल व कनिष्ठ महाविद्यालयाचे ज्येष्ठ लिपिक जयवंत भाऊ पेडणेकर यांचा सेवापूर्ती सन्मान सोहळा संपन्न झाला. यावेळी व्यासपीठावर संस्थेचे शाळा समिती अध्यक्ष सुधीर वराडकर, खजिनदार रविंद्र पावसकर, संचालक महेश वाईरकर, स्वाती वराडकर, वराडकर इंग्लिश मिडीयम स्कूलचे मुख्याध्यापक ऋषी नाईक, साळगाव माध्यमिक व उच्च माध्यमिक प्रशालेचे सहायक शिक्षक श्री. नार्वेकर, श्री. बागेवाडी, माजी मुख्याध्यापक चंद्रकांत पंडित, लिपिक श्री. सावंत आदी उपस्थित होते.  यावेळी कट्टा पंचक्रोशी शिक्षण प्रसारक मंडळ व प्रशालेच्या वतीने श्री. जयवंत पेडणेकर यांचा शाल, श्रीफळ व भेटवस्तू देऊन सत्कार करण्यात आला.

यावेळी कट्टा पंचक्रोशी शिक्षण प्रसारक मंडळाचे अध्यक्ष अजयराज वराडकर यांनी सांगितले, आज जगामध्ये सेवाभाव महत्त्वाचा ठरतो आहे. पण अशा सेवाभावी मूल्यांची प्रशासनातील भूमिका महत्वाची असून अशी सेवाभावी व्यक्तिमत्वे प्रशासनातील खरे आधारस्तंभ असतात व ते मार्गदर्शक असतात. त्यांच्या बहुमोल सल्ल्यामुळे प्रशासन गतिमान होत असते. आजच्या युगात अशी सेवाभावी व्यक्तिमत्वे निर्माण होणे काळाची गरज आहे, असे प्रशंसोद्गार श्री. वराडकर यांनी काढले. 

यावेळी संस्थेचे सचिव सुनील नाईक, सहसचिव एस. डी. गावडे, झाराप पंचक्रोशी साळगावचे माजी अध्यक्ष प्रमोद धुरी तसेच शिवराज मराठा माध्यमिक व उच्च माध्यमिक विद्यालय साळगावचे मुख्याध्यापक श्री. ताकीलदार, वराडकर कॉलेज कट्टा प्राचार्य ध्वजेंद्र मिराशी, पर्यवेक्षक महेश भाट, सुप्रिया नाईक, एकनाथ राऊळ, विद्यानंद पिळणकर, सुनील पाटकर यांनी मनोगत व्यक्त केले. 

या कार्यक्रमावेळी वराडकर हायस्कूल व कनिष्ठ महाविद्यालयातील शिक्षक, शिक्षकेतर कर्मचारी, विद्यार्थी उपस्थित होते. प् प्रशालेच्या मुख्याध्यापिका देवयानी गावडे यांनी प्रास्ताविक केले. कार्यक्रमाचे सूत्रसंचालन कलाशिक्षक समीर चांदरकर यांनी केले.