भंडारी हायस्कूलमध्ये आंतरराष्ट्रीय योग दिन साजरा.
भंडारी हायस्कूलमध्ये आंतरराष्ट्रीय योग दिन साजरा.
मालवण | ब्यूरो न्यूज : मालवण शहरातील भंडारी एज्युकेशन सोसायटी हायस्कूलमध्ये २१ जून रोजी आंतरराष्ट्रीय योग दिन साजरा करण्यात आला. यावेळी योग अभ्यासक व प्रशिक्षक सौ. दीपा वणकुद्रे आणि सहकारी कुमारी पूजा वणकुद्रे यांच्या मार्गदर्शनाखाली विद्यार्थ्यांनी योग प्रात्यक्षिके केली.
यावेळी दीपा वनकुद्रे यांनी मार्गदर्शन करताना विद्यार्थ्यांना योगाचे महत्व पटवून दिले. सध्याच्या स्पर्धेच्या व ताणतणावाच्या काळात विद्यार्थ्यांनी नियमित योगा केल्यास मन शांत राहण्यास तसेच शरीर निरोगी राहण्यास मदत होईल, असे दीपा वनकुद्रे यांनी सांगितले. यावेळी विविध प्रकारच्या योगासनांची प्रात्यक्षिके करण्यात आली.
यावेळी प्रशालेचे मुख्याध्यापक आर. डी. बनसोडे, शिक्षक आर. बी. देसाई, सौ. सरोज बांदेकर, एस. ए. अवसरे तसेच शिक्षक, शिक्षकेतर कर्मचारी व विद्यार्थी उपस्थित होते.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
