सावंतवाडीत 'बालगंधर्व ; नांदी ते भैरवी' कार्यक्रमाचे आयोजन.
सावंतवाडीत 'बालगंधर्व ; नांदी ते भैरवी' कार्यक्रमाचे आयोजन.
क्षितिज इव्हेंट, सावंतवाडी यांच्या वतीने अध्यक्ष बाळ पुराणिक यांची माहिती व नाट्यरसिकांच्या उपस्थितीचे आवाहन.
सावंतवाडी | ब्यूरो न्यूज : सिंधुदुर्ग जिल्ह्यातील सावंतवाडी शहरात, नटश्रेष्ठ बालगंधर्व यांच्या जीवनावर आधारित श्री परमेश्वर निर्मित, 'बालगंधर्व ; नांदी ते भैरवी' ह्या संगीतमय कार्यक्रमाचे आयोजन करण्यात आले आहे. आर. पी. डी. हायस्कूलच्या सभागृहात, २६ जून २०२६ रोजी संध्याकाळी साडे पाच ( ५.३०) वाजता हा कार्यक्रम आयोजित करण्यात आला आहे.
या कार्यक्रमात गायक स्वप्नील गोरे व गायिका राधा जोशी तसेच संगीत व ताल सहकारी अभिनव जोशी, तेजस प्रभुदेसाई, प्रसाद शेवडे यांचा सहभाग असेल. बाळ पुराणिक यांनी ह्या कार्यक्रमाचे संहिता लेखन व निवेदन केले असून उमा जडये सूत्रसंचालनाची जबाबदारी सांभाळणार आहेत.
क्षितिज इव्हेंट, सावंतवाडी यांच्या वतीने या कार्यक्रमाचे आयोजन करण्यात आले असून प्रवेश विनामूल्य आहे. नाट्यरसिकांनी या कार्यक्रमाला उपस्थित राहावे असे आवाहन आयोजकांच्या वतीने करण्यात आले आहे अशी माहिती क्षितिज इव्हेंट, सावंतवाडीच्या वतीने अध्यक्ष बाळ पुराणिक यांनी दिली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
